missing: ‘మిస్సింగ్‌’.. ఆద్యంతం ఉత్కంఠభరితం

హర్షా నర్రా హీరోగా శ్రీని జోస్యుల తెరకెక్కించిన చిత్రం ‘మిస్సింగ్‌’. భాస్కర్‌ జోస్యుల, లక్ష్మీ శేషగిరి రావు సంయుక్తంగా నిర్మించారు. మిషా నారంగ్‌, నికీషా రంగ్వాలా కథానాయికలు. ఈ సినిమా ఈనెల 19న ప్రేక్షకుల ముందుకొస్తోంది. ఈ  నేపథ్యంలోనే మంగళవారం హైదరాబాద్‌లో  విలేకర్ల సమావేశం ఏర్పాటు చేశారు. ఈ సందర్భంగా నాయిక మిషా నారంగ్‌ మాట్లాడుతూ.. ‘‘ఈ చిత్రంలో నేను మీనా అనే జర్నలిస్ట్‌గా కనిపిస్తాను.  కనిపించకుండా పోయిన శ్రుతి అనే అమ్మాయి కేసును ఇన్వెస్టిగేట్‌ చేస్తుంటాను. ఇందులో ఓ రివైంజ్‌ డ్రామా ఉంటుంది. మరి హీరో ఎవరిపై ప్రతికారం తీర్చుకున్నాడన్నది తెరపైనే చూడాలి. దర్శకుడు శ్రీని ఈ సినిమాని ఎంతో క్లారిటీతో తెరకెక్కించారు’’ అంది. ‘‘నేనీ సినిమాలో శ్రుతి పాత్రను పోషించాను. కథ ప్రకారం కనిపించకుండా పోయే పాత్ర నాదే. అసభ్యతకు తావు లేకుండా చిత్రాన్ని ఎంతో చక్కగా తెరకెక్కించారు. ఆద్యంతం ఆసక్తికరంగా సాగుతుంది. ఈ చిత్రాన్ని థియేటర్లలో ఎట్టి పరిస్థితుల్లో మిస్‌ కాకండి’’ అంది మరో నాయిక నికీషా.