family man: మేకింగ్‌ స్టిల్స్‌పై ఫన్నీ క్యాప్షన్స్‌

జేమ్స్‌బాండ్‌ తరహాలో కుట్రలు, కుతంత్రాలను ఛేదించే కథాంశంతో తెరకెక్కిన వెబ్‌ సిరీస్‌ ‘ది ఫ్యామిలీమ్యాన్‌’. నిఘా, భద్రత విభాగంలో పనిచేస్తున్న కథానాయకుడికి ఓ కుటుంబం కూడా ఉంటే ఎలా ఉంటుందనే కోణంలో తీసిన ఈ సిరీస్‌ ఓటీటీ తెరపై రక్తికట్టింది. టాస్క్‌ (థ్రెట్‌ అనాలసిస్‌ అండ్‌ సర్వైవలెన్స్‌ సెల్‌) ఏజెంట్‌గా మనోజ్‌ బాజ్‌పాయ్‌, ఇంట్లో చిర్రుబుర్రులాడే గృహిణిగా ప్రియమణి, ఓ లక్ష్యం కోసం ఎంతకైనా తెగువ చూపే యువతిగా రాజీ పాత్రలో సమంత రెండో సీజన్‌ను ఓ రేంజ్‌కు తీసుకెళ్లారు. ‘ది ఫ్యామిలీమ్యాన్‌2’ విడుదలై నెల రోజులు పూర్తయిన సందర్భంగా ఈ షో క్రియేటర్స్‌ రాజ్‌&డీకే షూటింగ్ సమయంలో తీసిన 10 చిత్రాలను సామాజిక మాధ్యమంలో విడుదల చేశారు. ఫన్నీ క్యాప్షన్స్‌ రాసిన ఆ ఫొటోలపై ఓ లుక్కేయండి!