Cobra Review: రివ్యూ: కోబ్రా
Cobra Review: విక్రమ్ ‘కోబ్రా’ సినిమా ఎలా ఉందంటే..!
Cobra Review: చిత్రం: కోబ్రా; తారాగణం: విక్రమ్, శ్రీనిధి శెట్టి, ఇర్ఫాన్ పఠాన్, మియా జార్జ్, రోషన్ మాథ్యూ, కేఎస్ రవికుమార్, మృణాళిని రవి, తదితరులు; సంగీతం: ఏఆర్ రెహమాన్; ఛాయాగ్రహణం: హరీష్ కన్నన్; కూర్పు: భువన్ శ్రీనివాసన్; నిర్మాత: ఎస్.ఎస్ లలిత్ కుమార్; రచన, దర్శకత్వం: ఆర్.అజయ్ జ్ఞానముత్తు; సంస్థ: సెవెన్ స్క్రీన్ స్టూడియోస్; విడుదల: ఎన్వీఆర్ సినిమా; విడుదల తేదీ: 31-08-2022
తెలుగులో బలమైన మార్కెట్ని, అభిమానగణాన్ని సొంతం చేసుకున్న కథానాయకుడు విక్రమ్. ఆయన చేసిన సినిమాలు తమిళంలోనే కాకుండా తెలుగులోనూ సమాంతరంగా విడుదలవుతుంటాయి. నెల రోజుల వ్యవధిలోనే ఆయన రెండు సినిమాలతో సందడి చేస్తున్నారు. మొదట ‘కోబ్రా’, ఆ తర్వాత ‘పొన్నియిన్ సెల్వన్’. ఇక, ప్రచార చిత్రాలతో విడుదలకి ముందే ప్రేక్షకుల్లో ప్రత్యేకమైన అంచనాల్ని రేకెత్తించింది ‘కోబ్రా’. ‘అపరిచితుడు’ని గుర్తు చేసేలా విక్రమ్ గెటప్పులు, భారీ హంగులతో కూడిన ప్రచార చిత్రాలు సినిమాపై ఆసక్తిని పెంచాయి. మరి ఆ ఆసక్తికి తగ్గట్టే సినిమా ఉందో లేదో తెలుసుకునే ముందు కథేమిటోచూద్దాం..!
కథేంటంటే: ఒడిశా ముఖ్యమంత్రి దారుణంగా హత్యకి గురవుతాడు. కొన్నాళ్ల వ్యవధిలోనే బ్రిటిష్ యువరాజుని కూడా తన వివాహ వేడుకలో అందరూ చూస్తుండగా హత్య చేస్తారు. దీని వెనక గణిత మేథావి మది (విక్రమ్) మాస్టర్ మైండ్ ఉంటుంది. ఫోన్, ఇంటర్నెట్ వాడని మది రకరకాల మారు వేషాలతో చాలా తెలివిగా చేయాలనుకున్నది చేసేస్తుంటాడు. ఈ రెండు హత్యల వెనక ఓ కార్పొరేట్ కనెక్షన్ని కనిపెడతారు ఇన్వెస్టిగేషన్ అధికారులు. క్రిమినాలజీ విద్యార్థి జూడీ (మీనాక్షి) ఆ రెండు హత్యలు ఒక్కరే చేశారని తేలుతుంది. తదుపరి రష్యా మంత్రికి కూడా ప్రమాదం పొంచి ఉందనే విషయాన్ని పసిగట్టి ఆ దేశ అధికారుల్ని హెచ్చరిస్తాడు ఇంటర్ పోల్ అధికారి అస్లాన్ (ఇర్ఫాన్ పఠాన్). ఓ హ్యాకర్ కూడా మది ముసుగుని తొలగించే ప్రయత్నంలో ఉంటాడు. ఇన్ని సవాళ్ల మధ్య మది తన ప్లాన్ని విజయవంతంగా అమలు చేశాడా లేదా? ఇంతకీ అతనెవరు? ఇండియాలో లెక్కల టీచర్గా పనిచేసే మది (విక్రమ్)కి ఈ నేరాలు చేయాల్సిన అవసరం ఎందుకొచ్చిందనేది మిగతా కథ.
ఎలా ఉందంటే: ఈ కథా నేపథ్యంలో కొత్తదనం ఉంది. నేర ప్రధానంగా సాగే ఇలాంటి థ్రిల్లర్ కథల్లో తర్వాత ఏం జరుగుతుందనే ఆసక్తి, ఆత్రుత ప్రేక్షకుల్లో కలగాలి. ఆ విషయంలో దర్శకుడు కొంతవరకూ మాత్రమే సఫలమయ్యాడు. అయితే జీనియస్ మైండ్ అంటూ విక్రమ్ పాత్రని వీర లెవెల్లో పరిచయం చేసినట్టుగా, దాని చుట్టూ థ్రిల్లింగ్గా, లాజికల్గా సన్నివేశాల్ని అల్లడంలో విఫలమయ్యాడు. ఓ పత్రికలో వచ్చే సుడొకు పూర్తి చేసి తనకు అవసరమైన ఓ కోడ్ని కనుక్కోవడమే జీనియస్ మైండ్ అన్నట్టుగా చూపించారంతే. మేథమెటీషియన్ మైండ్కీ... తెరపై జరిగే హత్యల తీరుకీ మధ్య పెద్దగా లింక్ కుదరలేదు. చాలా సినిమాల్లో చూసినట్టే ఉంటాయి తప్ప ఆ సన్నివేశాల్లో కొత్తగా చూపించిందేమీ లేదు. కథనంలో గందరగోళం, కథానాయకుడు మానసిక సమస్యలతో బాధపడుతూ చుట్టూ మనుషులు ఉన్నట్టుగా ఊహించుకునే సన్నివేశాలు గజిబిజిగా అనిపిస్తాయి. కథానాయకుడి ఫ్లాష్బ్యాక్, విరామ సన్నివేశాల్లో మలుపులు, యాక్షన్ సన్నివేశాల్లో భారీ హంగులు, విక్రమ్ గెటప్పులతో సినిమాకి కొత్తదనాన్ని జోడించే ప్రయత్నం చేశారు. ఆరంభ సన్నివేశాలు సాదాసీదాగానే అనిపించినా, కథానాయకుడు హత్యలు చేయడం నుంచి కథలో వేగం పుంజుకుంటుంది. వరుసగా మూడు నేరాలు, వాటి పర్యవసానాలు, క్రిమినల్ని కనుక్కోవడం కోసం చేసే ప్రయత్నాలతో ప్రథమార్ధం సాగుతుంది. విరామ సన్నివేశాలు ద్వితీయార్ధంపై ఆసక్తిని పెంచుతాయి. అయితే అక్కడ మది ఫ్లాష్ బ్యాక్ సన్నివేశాలు సాగదీతగా అనిపించడం, విలన్తో సాగించే పోరాటంలో పస లేకపోవడంతో సినిమా గాడి తప్పినట్టయ్యింది. మూడు గంటలకిపైగా నిడివి ఉన్న ఈ సినిమా చాలా చోట్ల సాగదీతగా అనిపిస్తుంది.
ఎవరెలా చేశారంటే: కమల్హాసన్ ‘దశావతారం’ సినిమాని గుర్తు చేస్తుంది ఇందులో విక్రమ్ గెటప్పులు. ఈ కథలో ఆయన్ని ఆకట్టుకున్న ప్రధానమైన అంశం కూడా అదేనేమో. అయితే ఆ అవతారాలన్నీ కూడా తొలి సగభాగానికే పరిమితం అయ్యాయి. ద్వితీయార్ధంలో కొత్త గెటప్పులకి ఆస్కారం దక్కలేదు. నటనకి ప్రాధాన్యమున్న ఆ పాత్రలో విక్రమ్ తన మార్క్ని ప్రదర్శించారు. యాక్షన్ ఘట్టాల్లోనూ ఆయన పనితీరు ఆకట్టుకుంటుంది. శ్రీనిధి శెట్టి, మృణాళిని రవి, మీనాక్షి పాత్రల పరిధి మేరకు నటించారు. ప్రతినాయకుడు రిషి పాత్రని భయంకరంగా చూపించినా, పతాక సన్నివేశాల్లో మాత్రం ఆ పాత్ర తేలిపోయింది. క్రికెటర్ ఇర్ఫాన్ పఠాన్ ఓ ప్రొఫెషనల్ నటుడిలాగే కనిపించారు. సినిమాలో ఆయన పాత్ర దాదాపు అన్ని సన్నివేశాల్లో కనిపిస్తుంది కానీ, అందులో బలం కనిపించదు. కె.ఎస్.రవికుమార్, ఆనంద్రాజ్ తదితరులు పాత్రల పరిధి మేరకు నటించారు.
సాంకేతికంగా సినిమా ఉన్నతంగా ఉంది. ముఖ్యంగా ఎ.ఆర్.రెహమాన్ సంగీతం చిత్రానికి ప్రధాన బలం. పాటలు, వాటి చిత్రీకరణ బాగుంది. నేపథ్య సంగీతంతో కథకి మరింత థ్రిల్ని అందించే ప్రయత్నం చేశారు. కెమెరా పనితనం ఆకట్టుకుంటుంది. ఎడిటింగ్ పరంగా చాలా లోపాలు కనిపిస్తాయి. సుదీర్ఘంగా సాగే సన్నివేశాలు ప్రేక్షకుడి ఓపికని పరీక్షిస్తాయి. దర్శకుడు అజయ్ జ్ఞానముత్తు కొత్త నేపథ్యాన్ని ఎంచుకున్నప్పటికీ, ఆయన కథని ప్రేక్షకులకు అర్థమయ్యేలా చెప్పడంలో విఫలమయ్యారు. ద్వితీయార్ధంలో ముఖ్యంగా ఫ్లాష్బ్యాక్ సన్నివేశాలు ఇబ్బంది పెడతాయి. నిర్మాణ విలువలు ఉన్నతంగా ఉన్నాయి.
బలాలు
+కథానేపథ్యం
+విక్రమ్ నటన
+భారీ హంగులు, పోరాట ఘట్టాలు, విరామ సన్నివేశాలు
బలహీనతలు
- గందరగోళంగా సాగే సన్నివేశాలు
- కథనంలో థ్రిల్ కొరవడటం
- నిడివి
చివరిగా: అవతారాలతో విక్రమ్ ‘కోబ్రా’.. సినిమా సాగదీసి చేశారు గాబరా!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్