Vinaro Bhagyamu Vishnu Katha Review: రివ్యూ: వినరో భాగ్యము విష్ణు కథ
Vinaro Bhagyamu Vishnu Katha Review: కిరణ్ అబ్బవరం, కశ్మీర కీలక పాత్రల్లో నటించిన ‘వినరో భాగ్యము విష్ణు కథ ఎలా ఉందంటే?
Vinaro Bhagyamu Vishnu Katha Review; చిత్రం: వినరో భాగ్యము విష్ణు కథ; నటీనటులు: కిరణ్ అబ్బవరం, కశ్మీరా, శుభలేఖ సుధాకర్, మురళీ శర్మ, కేజీఎఫ్ లక్కీ, పమ్మి సాయి, దేవి ప్రసాద్, ఎల్బీ శ్రీరామ్, శరత్ లోహితస్వ, ఆమని, ప్రవీణ్ తదితరులు; సంగీతం: చైతన్ భరద్వాజ్; ఛాయాగ్రహణం: డేనియల్ విశ్వాస్; దర్శకత్వం: మురళీ కిషోర్ అబ్బూరు; నిర్మాత: బన్నీ వాస్; సమర్పణ: అల్లు అరవింద్; విడుదల తేదీ:18-02-2023
‘రాజా వారు రాణీగారు’, ‘ఎస్.ఆర్.కళ్యాణ మండపం’ వంటి వరుస విజయాలతో ఇటు చిత్రసీమలో, అటు ప్రేక్షకుల్లో హీరోగా మంచి గుర్తింపు తెచ్చుకున్నారు కిరణ్ అబ్బవరం. కానీ, ఆ తర్వాత ఆయన నుంచి వచ్చిన సినిమాలేవీ ఆశించిన స్థాయిలో మెప్పించలేదు. ఈ తరుణంలో విజయమే లక్ష్యంగా ‘వినరో భాగ్యము విష్ణుకథ’తో బాక్సాఫీస్ ముందుకొచ్చారు కిరణ్. గీతా ఆర్ట్స్2 వంటి పేరున్న బ్యానర్ నుంచి వస్తున్న చిత్రం కావడం.. పాటలు, ప్రచార చిత్రాలు ఆకట్టుకునేలా ఉండటంతో సినిమాపై ప్రేక్షకుల్లో మంచి అంచనాలు ఏర్పడ్డాయి. మరి ఈ విష్ణు కథ ఏంటి? (Vinaro Bhagyamu Vishnu Katha Review) అది సినీప్రియుల్ని మెప్పించిందా? లేదా?
కథేంటంటే: ‘బాగుండటమంటే మనం బాగుండటం కాదు, పక్కవాళ్లతో బాగుండటమే’ అని తన తాత చెప్పిన మాటకు కట్టుబడిన కుర్రాడే విష్ణు(కిరణ్ అబ్బవరం). అతనిది తిరుపతి. హైదరాబాద్ సెంట్రల్ లైబ్రరీలో పని చేస్తుంటాడు. సాయం చేయడంలో ఎప్పుడూ ముందుండే తనకు నంబర్ నైబర్ అనే కాన్సెప్ట్తో దర్శన (కశ్మీరా) దగ్గరవుతుంది. ఆమె ఓ యూట్యూబర్. తన యూట్యూబ్ ఛానెల్తో పాపులారిటీ తెచ్చుకోవాలన్న లక్ష్యంతో నంబర్ నైబర్ కాన్సెప్ట్ ద్వారా పరిచయమైన విష్ణు, శర్మ (మురళీ శర్మ)లతో కలిసి వీడియోలు చేస్తుంటుంది. (VBVK Review) ఈ క్రమంలోనే విష్ణు, శర్మ ఇద్దరూ దర్శనను ప్రేమిస్తారు. అయితే ఆమె ఓరోజు శర్మతో కలిసి లైవ్ మర్డర్ అనే ప్రాంక్ వీడియో చేస్తుంది. కానీ, ఆ ప్రయత్నంలో శర్మ నిజంగానే దర్శన పేల్చిన తూటాకు బలవుతాడు. దీంతో ఆ హత్య కేసులో దర్శన జైలు పాలవుతుంది. మరి ఈ కేసు నుంచి తన ప్రేయసిని బయట పడేయటం కోసం విష్ణు ఏం చేశాడు? (Vinaro Bhagyamu Vishnu Katha Review) శర్మను దర్శన నిజంగానే హత్య చేసిందా? ఈ హత్యకు రాజకీయ నాయకుడు (కేజీఎఫ్ లక్కీ)కు ఉన్న లింకేంటి? ముంబయి గ్యాంగ్స్టర్ రాజన్ (శరత్ లోహితస్వ)కు విష్ణు తన కథ ఎందుకు చెప్పాడు? అతన్ని పట్టుకోవాలని ప్రయత్నిస్తున్న నేషనల్ ఇంటెలిజెన్స్ ఏజెన్సీ అధికారులకు విష్ణు ఎలా సాయపడ్డాడు? అన్నది తెరపై చూసి తెలుసుకోవాలి.
ఎలా ఉందంటే: మన పక్క నంబర్కు ఫోన్ చేసి పరిచయం పెంచుకోవడం అనే ఓ కొత్త కాన్సెప్ట్తో అల్లుకున్న కథ ఇది. దీనికి ఓ ప్రేమ కథను, ఒక క్రైమ్ ఎలిమెంట్ను, సాయం, దేశభక్తి అనే సందేశాల్ని జోడించి ఆసక్తికరంగా కథ సిద్ధం చేసుకున్నారు దర్శకుడు మురళి కిషోర్. నిజానికి ఓ కథలో ఇన్ని అంశాల్ని మిళితం చేయాలని ప్రయత్నించినప్పుడు ఆ మేళవింపు సరిగ్గా కుదరకుంటే కథనమంతా కలగాపులగమయ్యే ప్రమాదముంటుంది. అయితే, ఈ పరీక్షలో మురళీ చాలా వరకు సక్సెస్ అయ్యాడు. తను చెప్పాలనుకున్న అంశాలన్నింటినీ ఎలాంటి గందరగోళం లేకుండా తెరపై ఆసక్తికరంగా ఆవిష్కరించగలిగాడు. ఈ చిత్రం ప్రథమార్ధమంతా ఓ సరదా ప్రేమకథలా.. ద్వితీయార్ధమంతా ఉత్కంఠభరితమైన సస్పెన్స్ థ్రిల్లర్లా సాగిపోతుంది. అయితే ఇందులో విరామానికి ముందొచ్చే ట్విస్ట్ మెప్పించినా.. క్లైమాక్స్కు ముందొచ్చే ట్విస్ట్ మరీ సిల్లీగా అనిపిస్తుంది. (Vinaro Bhagyamu Vishnu Katha Review) దీన్ని ప్రేక్షకులు ఎలా స్వీకరిస్తారన్న దానిపైనే చిత్ర ఫలితం ఆధారపడి ఉంది.
ముంబయి గ్యాంగ్స్టర్ రాజన్ కోణం నుంచి కథను ప్రారంభించిన తీరు ఆసక్తిరేకెత్తిస్తుంది. అతనికి విష్ణు తన కథ చెప్పడంతోనే ఈ చిత్రం ప్రారంభమవుతుంది. నంబర్ నైబర్ కాన్సెప్ట్తో విష్ణు జీవితంలోకి దర్శన రావడం.. ఆమె ద్వారా శర్మ పరిచయమవడం.. వాళ్లు ముగ్గురు కలిసి వీడియోలు చేయడం.. ఈ క్రమంలో సాగే ప్రయాణమంతా సరదాగా అనిపిస్తుంది. ముఖ్యంగా దర్శన - శర్మల మధ్య వచ్చే రీల్ వీడియోస్ ట్రాక్ అందరినీ నవ్విస్తుంది. అలాగే ఈ మధ్యలో వచ్చే రెండు యాక్షన్ బ్లాక్లు ఆకట్టుకుంటాయి. అయితే సినిమా సరదాగా సాగుతున్నా విరామానికి ముందు కానీ అసలు కథ మొదలు కాదు. (VBVK Review) ఓ చక్కటి ట్విస్ట్తో ఇంటర్వెల్ కార్డ్ వేసిన తీరు బాగుంది. ప్రథమార్ధమంతా ప్రేమకథతో సాగితే.. ద్వితీయార్ధం పూర్తిగా థ్రిల్లర్ మూడ్లో నడుస్తుంది. అయితే ఇందులో కొన్ని మలుపులు ఆసక్తిరేకెత్తిస్తే.. మరికొన్ని పూర్తిగా తేలిపోయాయి. శర్మ హత్య వెనకున్న చిక్కుముడులను విప్పే తీరు బాగుంది. (Vinaro Bhagyamu Vishnu Katha Review) అయితే ఈ కేసును నంబర్ నైబర్ కాన్సెప్ట్తో విష్ణు ఛేదించిన తీరు మరీ సిల్లీగా అనిపిస్తుంది. అలాగే పతాక సన్నివేశాలకు ముందొచ్చే మరో ట్విస్ట్.. కథను దేశభక్తి కోణంలోకి మలచిన తీరు ఆకట్టుకుంటుంది. ఇందులో కొన్ని సన్నివేశాలు లాజిక్కు దూరంగా అనిపించినా.. ప్రేక్షకుల చేత చప్పట్లు కొట్టిస్తాయి. దీనికి సీక్వెల్ ఉందంటూ సినిమాని ముగించిన తీరు ఆసక్తిరేకెత్తించేలాగే ఉంది.
ఎవరెలా చేశారంటే: విష్ణు పాత్రలో కిరణ్ ఓ పక్కింటి కుర్రాడిలా చక్కగా ఒదిగిపోయారు. ఆయన నటన ఆద్యంతం ఆకట్టుకున్నా.. ఎమోషనల్ సన్నివేశాల్లో తేలిపోయినట్లు అనిపించారు. ఫైట్లను తీర్చిదిద్దిన విధానం బాగుంది. కానీ, అవి కిరణ్ ఇమేజ్కు మించిన స్థాయిలో ఉన్నట్లు అనిపిస్తాయి. సినిమాలో చాలా సంభాషణలు ప్రేక్షకుల చేత చప్పట్లు కొట్టిస్తాయి. మరికొన్ని ప్రవచనాల్లా అనిపిస్తాయి. (VBVK Review) దర్శనగా కశ్మీరా అందంగా కనిపించింది. కథకు ఆమె పాత్ర కీలకమైనా.. తనకు పెద్దగా నటించే ఆస్కారం దొరకలేదు. ప్రథమార్ధంలో నవ్వించిన మురళి శర్మ పాత్ర.. ద్వితీయార్ధంలో మరో కోణంలో సర్ప్రైజ్ చేస్తుంది. ఆయన కెరీర్లో ఈ శర్మ పాత్ర ఎంతో ప్రత్యేకంగా నిలుస్తుంది. (Vinaro Bhagyamu Vishnu Katha Review) విష్ణు తాతగా శుభలేఖ సుధాకర్, రాజన్గా శరత్ పాత్రలు పరిధి మేరకు ఉంటాయి. ఎల్.బి.శ్రీరామ్, దేవి ప్రసాద్, ఆమని వంటి సీనియర్ ఆర్టిస్ట్లు కనిపించినా.. వారి పాత్రలకు అంత ప్రాధాన్యత కనిపించదు. మురళి కిషోర్ తను అనుకున్న కథను అనుకున్నట్లుగా చెప్పడంలో దాదాపుగా సక్సెస్ అయ్యాడు. కథలోని కొన్ని ప్రధాన లోపాల్ని సరిదిద్దుకొని ఉంటే సినిమా మరో స్థాయిలో ఉండేది. చైతన్ భరద్వాజ్ తన సంగీతంతో ఈ సినిమాని మరో స్థాయికి తీసుకెళ్లారు. పాటలు గుర్తుంచుకునే స్థాయిలో లేకున్నా.. వినసొంపుగా ఉన్నాయి. నేపథ్య సంగీతం ఆకట్టుకుంటుంది. డేనియల్ కెమెరా వర్క్ బాగుంది. నిర్మాణ విలువలు ఉన్నతంగా ఉన్నాయి.
బలాలు: + కథా నేపథ్యం; + కిరణ్ నటన, మురళీ శర్మ పాత్ర; + పాటలు, నేపథ్య సంగీతం
బలహీనతలు: - నిదానంగా సాగే ప్రథమార్ధం; - సిల్లీగా అనిపించే కొన్ని ట్విస్ట్లు
చివరిగా: కాలక్షేపాన్నిచ్చే విష్ణు కథ..(Vinaro Bhagyamu Vishnu Katha Review)
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా?
తాజా వార్తలు (Latest News)
-
అలా చేయాలని చెబితే.. భారత్ నుంచి వెళ్లిపోతాం: వాట్సప్
-
ట్రావిస్ హెడ్ బలహీనతను పట్టిన బెంగళూరు..!
-
విజయ్ మాల్యా అటుగా వస్తే మాకు అప్పగించండి: ఫ్రాన్స్కు భారత్ విజ్ఞప్తి
-
‘ఫ్రీజింగ్ ఎగ్స్’ విధానం మంచిదే: మృణాల్ ఠాకూర్ ఆసక్తికర వ్యాఖ్యలు
-
100% వీవీప్యాట్ స్లిప్ల లెక్కింపు కుదరదు: పిటిషన్లు కొట్టేసిన సుప్రీం
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!