గల్ఫ్ దేశాల్లో ఘనంగా తెదేపా 40వ ఆవిర్భావ వేడుకలు

తెలుగు దేశం జి.సి.సి ఆధ్వర్యంలో కువైట్, సౌదీ అరేబియా, ఖతార్, ఓమన్, బహ్రెయిన్‌, దుబాయి, అబుదాబి, షార్జా, రాస్ అల్-ఖైమా, ఫుజైరాహ్ ప్రాంతాల్లో పార్టీ ఆవిర్భావ వేడుకలను అంగరంగ వైభవంగా నిర్వహిస్తున్నారు. 25 నుంచి 29వ తేదీ వరకూ జరిగే ఈ వేడుకల కోసం అన్ని ఎర్పాట్లు చేశారు. ఖతార్‌ వేడుకల్లో తెదేపా జాతీయ అధికార ప్రతినిధి కొమ్మారెడ్డి పట్టాభిరాం ముఖ్య అతిథిగా హాజరయ్యారు. ఈ కార్యక్రమాలన్నీ ఈ మధ్యే ప్రకటించిన ఎన్నారై తెదేపా కౌన్సిల్ సభ్యుల ఆధ్వర్యంలో జరుగుతున్నాయి. ఈ సందర్భంగా తెదేపా కువైట్ అధ్యక్షుడు కుదరవల్లి సుధాకర రావు మాట్లాడుతూ.. గల్ఫ్ దేశాల్లోని తెలుగుదేశం అభిమానులందరూ ఆయా ప్రాంతాల్లో జరగనున్న వేడుకల్లో పాల్గొని విజయవంతం చేయాలని కోరారు.