Android 12: అబ్బో ఎన్ని కొత్త ఫీచర్లో!
ఆండ్రాయిడ్ 12 ఫీచర్లంటూ అంతర్జాలంలో కొన్ని హల్చల్ చేస్తున్నాయి... అవేంటో చూసేద్దాం!
ఆండ్రాయిడ్ ఫోన్లకు కొత్త ఆప్షన్లు, ఫీచర్లు జోడిస్తూ ఏటా కొత్త వెర్షన్ను రిలీజ్ చేస్తుంటుంది గూగుల్. అలా ప్రస్తుతం ఆండ్రాయిడ్ 12 వెర్షన్ను సిద్ధం చేస్తోంది. దీనికి సంబంధించి డెవలపర్ల కోసం ఇప్పటికే రెండు బీటా వెర్షన్లు విడుదల చేశారు. తాజాగా మూడోది బయటకు వచ్చింది. వాటి ఆధారంగా ఆండ్రాయిడ్ 12 ఇలా ఉండొచ్చు అంటూ కొన్ని ఫీచర్లు అంతర్జాలంలో హల్చల్ చేస్తున్నాయి. అవేంటో చూసేద్దాం!
స్ప్లిట్ స్క్రీన్లో కొత్తగా
ఒకేసారి రెండు యాప్స్ మొబైల్ స్క్రీన్ మీద చూసుకునే విధంగా గతంలోనే ఆండ్రాయిడ్ స్ప్లిట్ స్క్రీన్ అనే ఫీచర్ తీసుకొచ్చింది. ఏదైనా యాప్ వాడుతున్నప్పుడు రీసెంట్స్ బటన్ క్లిక్ చేసి స్ప్లిట్ స్క్రీన్ ఎంచుకుంటే... స్క్రీన్ పై భాగంలో ఆ యాప్ వచ్చి చేరుతుంది. ఆ తర్వాత మీకు కావాల్సిన మరో యాప్ను ఎంచుకుంటే, అది దాని కింద వచ్చి చేరుతుంది. అయితే దిగువ ఉన్న యాప్ స్క్రీన్... పై భాగంలోకి వెళ్లాలంటే కుదరదు. కానీ కొత్త వెర్షన్ ఆండ్రాయిడ్లో ఈ ఆప్షన్ ఇస్తున్నారు. రెండు యాప్లను విడదీస్తూ మధ్యలో ఉండే గీత మీద డబుల్ ట్యాప్ చేస్తే వాటి ప్లేస్లు మారుతాయి. పాత తరం షావోమి మొబైల్స్లో ఈ ఆప్షన్ ఉండేది.
విడ్జెట్స్ వెతుక్కునేలా...
మొబైల్లో చాలా యాప్స్ ఉంటుంటాయి. వాటిని మెనూ లిస్ట్లో వెతుక్కోవడం అన్ని సమయాల్లో సులభం కాదు. అందుకే ఆయా యాప్స్ విడ్జెట్స్ తయారు చేస్తుంటాయి. అంటే షార్ట్కట్లా అన్నమాట. ఆండ్రాయిడ్లో ఇలాంటి విడ్జెట్స్ చాలానే ఉంటాయి. అందులో మనకు కావాల్సిన యాప్కు సంబంధించిన విడ్జెట్ వెతుక్కోవడం కష్టమే. అందుకే విడ్జెట్స్ సెక్షన్లో సెర్చ్ ఆప్షన్ ఇస్తున్నారు. మీకు కావాల్సిన యాప్ పేరును సెర్చ్ చేసి, విడ్జెట్ను సులభంగా వెతుక్కోవచ్చు. అయితే ఆ యాప్ మీ మొబైల్లో ఇన్స్టాల్ అయి ఉండాలి.
గూగుల్ అసిస్టెంట్ పిలవడానికి...
స్మార్ట్ఫోన్లలో గూగుల్ అసిస్టెంట్ను యాక్టివ్ చేయడానికి కొత్త ఆప్షన్ రాబోతోంది. చాలా ఫోన్లలో ‘హే గూగుల్’, ‘ఓకే గూగుల్’ అంటే అసిస్టెంట్ యాక్టివ్ అవుతుంది. పిక్సల్ ఫోన్స్లో అయితే ఫోన్ను షేక్ చేయడం, బ్యాక్ ట్యాప్ చేయడం లాంటి ఇంకొన్ని ఆప్షన్లు ఉన్నాయి. ఇప్పుడు వీటికి తోడుగా పవర్ బటన్ ఆప్షన్ను యాడ్ చేస్తున్నారట. పవర్ బటన్ను కాసేపు లాంగ్ప్రెస్ చేస్తే.. గూగుల్ అసిస్టెంట్ యాక్టివ్ అవుతుందట. అయితే ఎంతసేపు లాంగ్ ప్రెస్ చేయాలనేది తెలియాల్సి ఉంది. ఎందుకంటే ఎక్కువసేపు లాంగ్ ప్రెస్ చేస్తే మొబైల్ స్విచ్ఛాఫ్ అయిపోతుంది.
స్క్రీన్షాట్ ఎక్స్పాండ్
ఆండ్రాయిడ్ ఫోన్లలో స్క్రీన్షాట్ తీసుకోవడం చాలా సులభం. అయితే ఆ స్క్రీన్ షాట్ను విస్తరించడం (ఎక్స్పాండ్) చేయడం కుదరదు. అంటే ఏదైనా వార్త మొత్తం స్క్రీన్షాట్ తీసుకుందాం అంటే అవ్వదు. బిట్లుగా బిట్లుగా కట్ చేసుకోవాలి. అయితే క్యూరేటెడ్ (మార్పు చేసిన) ఓఎస్లు ఉండే మొబైల్స్లో ఈ ఆప్షన్ ఉంది. స్క్రీన్ షాట్ కొట్టాక... దిగువ ఎక్స్పాండ్ బటన్ నొక్కితే ఎంతవరకు కావాలంటే అంతవరకు స్క్రీన్ షాట్ ఎక్స్పాండ్ అవుతుంది. ఇప్పుడు ఈ ఆప్షన్ ఒరిజినల్ గూగుల్ ఓఎస్లో ఉండబోతోంది. స్క్రీన్ షాట్ కొట్టాక ‘క్యాప్చర్ మోర్’ క్లిక్ చేసి ఎక్స్పాండ్ చేయొచ్చు.
ట్యాబ్స్కి ప్రత్యేకం
మొబైల్ స్క్రీన్ చిన్నగా ఉంటుంది కాబట్టి... హోం స్క్రీన్ మీద యాప్స్ పెట్టుకుంటే అన్నీ దగ్గరగా ఉంటాయి. అవసరమైనప్పుడు సులభంగా కావాల్సిన యాప్/ విడ్జెట్ను వేలితో టచ్ చేయొచ్చు. అదే ట్యాబ్స్లో అయితే అంత సులభంగా ఉండదు. పెద్ద స్క్రీన్ వల్ల యాప్స్ సులభంగా ఒక చేత్తో టచ్ చేయలేం. అందుకే ట్యాబ్స్ కోసం కొత్త ఆప్షన్ను తీసుకొస్తున్నారు. డ్యూయల్ ప్యానల్ పేరుతో వస్తున్న ఈ ఫీచర్లో స్క్రీన్ మధ్యలో సెపపరేషన్తో రెండు భాగాలుగా కనిపిస్తుంది. దాంతోపాటు దిగువ టాస్క్ బార్ ఒకటి వస్తుంది. దీంతో ఇబ్బంది లేకుండా యాప్/విడ్జెట్లను కావాల్సిన వైపు ఉంచుకోవచ్చు.
వీటితోపాటుగా...
* డివైజ్ కంట్రోల్ ప్యానల్ (ఆన్/ఆఫ్ టాగుల్స్ ఉండే స్క్రీన్) లో కూడా మార్పులు చేస్తున్నారు. బ్రైట్నెస్ స్లైడర్ను, వాల్యూమ్ అడ్జెస్ట్ స్లైడర్ను మార్చేశారు. దీంతోపాటు క్విక్ సెట్టింగ్స్ టైల్స్లోనూ మార్పులుంటాయి.
* వైఫై, ఇంటర్నెట్ విభాగంలోనూ మార్పులు చేస్తున్నారు. ఇకపై వైఫై సెక్షన్ను ఇంటర్నెట్ అని పిలుస్తారట. వైఫై నెట్వర్క్లో వైఫై 5, వైఫై 6 అనే టైప్స్ను తీసుకొస్తున్నారు. దీంతోపాటు ఎక్స్టెండ్ కంపాటబిలిటీ ఆప్షన్ కూడా వస్తోంది. వైఫై హాట్స్పాట్ను ఎక్కువగా వినియోగించేవారికి ఇది ఉపయుక్తంగా ఉంటుంది.
* కొత్త వెర్షన్ ఆండ్రాయిడ్లో సరికొత్త ఎమోజీలను తీసుకొస్తున్నారు. ఎమోజీ 13.1 ప్యాక్ను ఇందులో పొందుపరుస్తున్నారు. గతంలో ఉన్న ఎమోజీలకు ఇవి భిన్నంగా ఉంటాయట.
ఎప్పుడొస్తుందంటే?
ప్రస్తుతం ఆండ్రాయిడ్ 12 డెవలపర్ ప్రివ్యూ దశలో ఉంది. ఫిబ్రవరిలో ఈ కార్యక్రమం మొదలైంది. వచ్చే నెలలో తొలి బీటా వెర్షన్ను రిలీజ్ చేస్తారు. బీటా వెర్షన్ టెస్ట్ జులై ఆఖరి వరకు ఉంటుంది. ఈ క్రమంలో వచ్చే బగ్స్ని సరి చేసి, ఆగస్టు తర్వాత అందరికీ కొత్త అండ్రాయిడ్ అందుబాటులోకి తెస్తారు. బ్యాచ్ల వారీగా కొత్త వెర్షన్ అందరి మొబైల్స్కు అందబాటులోకి వస్తుంది. ఏ మొబైల్కి ఎప్పుడు వస్తుందనేది లాంచ్ సమయంలో ఆండ్రాయిడ్ ప్రకటిస్తుంది.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
ఛేజింగ్కి వస్తే... హైదరా‘బాధ’ తప్పదా?
-
కెనడా ప్రధాని ట్రూడో సమక్షంలో.. ‘ఖలిస్థానీ’ నినాదాలు
-
బాలీవుడ్ స్టార్స్తో ఎన్టీఆర్.. వీడియో వైరల్
-
దక్షిణ మధ్య రైల్వే పరిధిలో మరిన్ని వేసవి ప్రత్యేక రైళ్లు..
-
ఈనాడు.నెట్లో టాప్ 10 వార్తలు @ 1 PM
-
ఇసుక అక్రమ తవ్వకాలు.. ఏపీ ప్రభుత్వానికి సుప్రీంకోర్టులో ఎదురుదెబ్బ