వినోద ఏఐ!
చూస్తుండగానే కృత్రిమ మేధ (ఏఐ) మన జీవితాల్లో విడదీయలేని భాగంగా మారిపోయింది. ఊహలకు రెక్కలు తొడుగుతూ, సృజనాత్మకతను కొత్త పుంతలు తొక్కిస్తోంది.
చూస్తుండగానే కృత్రిమ మేధ (ఏఐ) మన జీవితాల్లో విడదీయలేని భాగంగా మారిపోయింది. ఊహలకు రెక్కలు తొడుగుతూ, సృజనాత్మకతను కొత్త పుంతలు తొక్కిస్తోంది. ఛాట్జీపీటీ, బార్డ్, బింగ్ వంటి వాటిని ఎంతోమంది ఉద్యోగ, వ్యక్తిగత, వ్యాపార అవసరాలకు వాడుకుంటున్నారు. ఎంతసేపూ సంక్లిష్ట ఆల్గోరిథమ్లు, డేటా విశ్లేషణ వంటివేనా? వినోదం కోసమూ ఏఐ ఉపయోగపడుతోంది. మన మాటలను సెలబ్రిటీల గొంతులో వినిపించటం, రూపాలను ప్రముఖుల ఆకారాల్లోకి మార్చటం వంటి చిత్రాలెన్నో చేస్తున్నారు. అలాంటి కొన్ని వినోదాత్మక ఏఐ టూల్స్ ఇవిగో..
నచ్చిన పుస్తకాలకు నప్పే ప్లేలిస్ట్
నచ్చిన పుస్తకం చదువుతున్నప్పుడు దానికి నప్పే సంగీతాన్ని, పాటలనూ వింటుంటే? ఆ అనుభూతే వేరు. అయితే ఆయా పుస్తకాలకు సరిపడిన ప్లేలిస్ట్ను రూపొందించటమంటే మాటలు కాదు. ఎన్నో జానర్లు తెలిసుండాలి. థీమ్ను గుర్తించాలి. అంత శ్రమ పడకుండా, చిటికెలోనే పని పూర్తయితే? మ్యూజిఫై (Muzify.ai) అలాంటి పనే చేసి పెడుతుంది. ఇది ఏఐ సాయంతో ఇష్టమైన పుస్తకాలు, నవలలు, రచయితల నేపథ్యానికి అనుగుణమైన స్పోటిఫై ప్లేలిస్ట్ను సెకండ్లలోనే సృష్టించేస్తుంది. ఆయా కథలు, మూడ్కు తగిన సంగీతం, పాటల జాబితాను ముందుంచుతుంది. ఇందులో సృష్టించుకున్న ప్లేలిస్టును మెయిల్ ద్వారా పంపించుకోవచ్చు. స్పోటిఫై ఖాతా ఉంటే దానిలో జతచేసి హాయిగా వినొచ్చు. అటు సాహిత్యాన్ని ఇటు ఆహ్లాదకర సంగీతాన్ని రెండింటినీ మేళవించి ఆనందించొచ్చు.
ఈమెయిల్ మంచిగా..
భాషా సాంకేతికతలో యాంగ్రీ ఈమెయిల్ ట్రాన్స్లేటర్ను (shttps://angryemail translator.comz )విచిత్ర మలుపుగా చెప్పుకోవచ్చు. కోపం, చిరాకుతో ఎవరికైనా ఈమెయిల్ రాసినా ఇది దాన్ని మర్యాద పూర్వకమైన భాషలోకి మార్చేస్తుంది మరి. ఇలా మనసును తెలిక పరచు కోవటానికీ దారి చూపుతుంది. దీనిలోని ఏఐ ఆల్గోరిథమ్లు.. ముఖ్యంగా పొలైట్నెస్ ఎన్హాన్స్మెంట్ అనే ఈమెయిల్ అసిస్టెంట్ టూల్ భాషలోని ఉద్రిక్త స్వభావాన్ని విశ్లేషించి, అవే భావాలను మరింత మన్ననతో కూడిన విధంగా వ్యక్తీకరించేలా ప్రత్యామ్నాయ పదాలను సూచిస్తుంది. తర్వాత చిక్కులు తలెత్తకుండా కాపాడుతుంది. యాంగ్రీ ఈమెయిల్ ట్రాన్స్లేటర్ పూర్తిగా ఉచితం. ఎవరైనా తేలికగా వాడుకోవచ్చు.
భలే బహుమతి
పుట్టిన రోజు, పెళ్లి రోజు వంటి వేడుకల్లో బహుమతులు ఇవ్వటం పరిపాటే. కానీ అవతలివారికి నచ్చే, వారు ఆనందించే బహుమతిని ఎంపిక చేయటమే కష్టం. ఎలాంటి బహుమతి ఇవ్వాలో తెలియక కొన్నిసార్లు తెగ ఇబ్బంది పడుతుంటాం కూడా. ఎవరి సలహానైనా తీసుకుంటే బాగుంటుందేమోననీ అనిపిస్తుంటుంది. సరిగ్గా ఇలాంటి పరిస్థితుల్లోనే గిఫ్ట్ ఏఐ వెబ్సైట్ (sgiftassistant.ioz ) తోడ్పడుతుంది. అవతలివారి ఇష్టాయిష్టాలను గుర్తించి, మన బడ్జెట్ను దృష్టిలో పెట్టుకొని, సందర్భానికి అనుగుణమైన బహుమతిని ఎంపిక చేస్తుంది. బహుమతిని అందుకునేవారు మనకు ఏమవుతారు? వారి అభిరుచులేంటి? వ్యాపకాలేంటి? వంటి సాధారణ ప్రశ్నలకు సమాధానాలు ఇస్తే చాలు. మెషిన్ లెర్నింగ్, నాచురల్ లాంగ్వేజ్ ప్రాసెసింగ్ ప్రక్రియలతో విశ్లేషించుకొని, మంచి బహుమతులను గుర్తిస్తుంది. ఆన్లైన్లో వాటిని అమ్మే వెబ్సైట్లకూ తీసుకెళ్తుంది.
సరదా వేదిక
స్నేహితులు ఎక్కడో దూరంగా ఉన్నారు. ఇక్కడి నుంచే వారితో సరదాగా ఆటలాడుకుంటే? కలిసి పజిల్స్ పూర్తిస్తే? రకరకాల ప్రశ్నలు వేస్తూ జవాబులు తెలుసుకుంటే? బూమ్ ఏఐ (https://booom.ai) అలాంటి అవకాశమే కల్పిస్తుంది. ఇందులో ప్లేరూమ్ను సృష్టించుకొని, క్యూఆర్ కోడ్ ద్వారా అవతలివారిని ఆహ్వానించటమే తరువాయి. క్విజ్ల దగ్గర్నుంచి ఫన్ ఫ్యాక్ట్స్ వరకూ తమకు నచ్చిన గేమ్స్ను సృష్టించుకొని ఆడుకోవచ్చు. ఉదాహరణకు- క్విజ్ను సృష్టించాలను కున్నారనుకోండి. అంశాన్ని ఎంచుకుంటే కొద్ది సెకండ్లలోనే 10 ప్రశ్నలు ముందుంటాయి. ఇందులో టైమర్ కూడా ఉంటుంది. బూమ్ ఏఐలో ప్లేరూమ్ను సృష్టించుకొని ఇద్దరి నుంచి 8 మంది వరకు ఆడుకోవచ్చు. గేమ్ కార్డ్సును కూడా ఇష్టమున్న రంగులోకి మార్చుకోవచ్చు. పిక్చర్, గిఫ్స్ను జోడించుకోవచ్చు. కంటెంట్నూ ఎడిట్ చేసుకోవచ్చు.
పాడ్కాస్ట్ తేలికగా
చాలాకాలంగా మనసులో ఏదో తొలుస్తోంది. దాన్ని పాడ్కాస్ట్ రూపంలో పదిమందికీ చెప్పాలనుకుంటున్నారు. కానీ అదెలా చేయాలో తెలియటం లేదు. ఇలాంటి సమయంలో పాడ్క్యాజిల్ (https://podcastle.ai/) బాగా ఉపయోగ పడుతుంది. స్టుడియో నాణ్యతో కూడిన రికార్డింగు, ఏఐ ఆధారిత ఎడిటింగ్, సరళమైన ఎక్స్పోర్టింగ్ అన్నింటినీ ఇది చేసి పెడుతుంది. దీని ద్వారా ఆన్లైన్లో 10 మందితో ఇంటర్వ్యూ చేయొచ్చు. లేదూ ఒక్కరే షో నిర్వహించొచ్చు. అక్షరాలను మాటలుగా మార్చే ఏఐ పరిజ్ఞానంతో పాడ్కాస్ట్నూ సృష్టించుకోవచ్చు. ఉదాహరణకు ఏదైనా పరిశోధన పత్రాన్ని చదవటం బోర్గా అనిపిస్తే దీంతో పాడ్కాస్ట్గా లేదా ఆడియోబుక్గా మార్చేసుకోవచ్చు. టెక్స్ట్ను అప్లోడ్ చేసి, ఏఐ గొంతును ఎంచుకొని, ఎక్స్పోర్ట్ బటన్ను క్లిక్ చేస్తే చాలు. ఎలాంటి పరిశోధన పత్రాన్నయినా ఇట్టే వినేయొచ్చు.
విచిత్ర మెమేల పుట్ట
ఫొటోల నుంచి విచిత్రమైన మెమేలను సృష్టించుకోవాలనుకునే వారికి మెమే స్విఫ్ట్ (https://memeswift.com) మంచి సాధనం. ఇది చాలా తేలికగా, త్వరగా మామూలు ఫొటోలను విచిత్రమైన, వినోదాత్మకమైన మెమేలుగా మార్చేస్తుంది. ఏఐ పరిజ్ఞానాన్ని ఉపయోగించుకొని మెమేలనే కాదు.. ఫొటోలకు క్యాప్షన్లనూ సృష్టిస్తుంది. దీన్ని వాడుకోవటం తేలిక. మెమేగా మార్చాలనుకునే ఫొటోను అప్లోడ్ చేసి.. భాషను, సందర్భాన్ని ఎంచుకుంటే చాలు. ఇది జెపీజీ, జేపెగ్, వెబ్పీ వంటి రకరకాల ఫార్మట్ల ఇమేజ్లను సపోర్టు చేస్తుంది. ఇమేజ్ను అప్లోడ్ చేశాక సేవ్ అండ్ క్లోజ్ను ఎంచుకోగానే మెమేస్విఫ్ట్ తన ఇంద్రజాలాన్ని మొదలెడుతుంది. సామాజిక మాధ్యమాల్లో హాస్యాన్ని జోడించుకోవాలని, వినోదం పంచాలని అనుకునేవారికిది బాగా ఉపయోగ
పడుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
ఇండస్ట్రీలో ఆ హీరోయిన్స్ తక్కువ.. ఆ ఖాళీని భర్తీ చేయాలనుకుంటున్నా!
-
‘కల్కి 2898 ఏడీ’ వాయిదా.. కొత్త రిలీజ్ డేట్ ఇదే
-
‘అప్పుడు ఆత్మహత్య చేసుకోవాలనుకున్నా’: బైడెన్
-
నక్కపల్లి వద్ద ఘోర ప్రమాదం: ముగ్గురి మృతి
-
అమెజాన్ గ్రేట్ సమ్మర్ సేల్ తేదీలు వచ్చేశాయ్.. ఈ ఫోన్లపై డిస్కౌంట్
-
ఈనాడు.నెట్లో టాప్ 10 వార్తలు @ 5 PM