వాట్సప్‌తో స్టోరేజీ నిండుకుంటోందా?

వాట్సప్‌లో బోలెడన్ని కాంటాక్టులు, గ్రూపులు. రోజూ ఎన్నెన్నో ఫొటోలు, వీడియోలు వచ్చి చేరుతుంటాయి. క్లిక్‌ చేయగానే అన్నీ డౌన్‌లోడ్‌ అయిపోతాయి. వాటిని చూడనంతవరకు మనసు నిలవదాయె మరి. మరోపక్క స్మార్ట్‌ఫోన్‌ స్టోరేజీ నిండుకుంటోందనే బెంగా మొదలవుతుంది. స్టోరేజీ నిండుకుంటే ఫోన్‌ వేగం నెమ్మదిస్తుంది కదా. మరెలా? దీనికి ఉపాయం లేకపోలేదు. మీడియా ఫైళ్లు తమకుతామే సేవ్‌ కాకుండా చూసుకుంటే సరి. ఇందుకోసం..

* వాట్సప్‌ యాప్‌ ఓపెన్‌ చేసి, పైన కుడి వైపున కనిపించే మూడు నిలువు చుక్కల మీద క్లిక్‌ చేయాలి. సెటింగ్స్‌ ద్వారా ఛాట్‌లోకి వెళ్లాలి. ఇందులో మీడియా విజిబిలిటీ సదుపాయం పక్కనుండే మీటను ఆఫ్‌ చేయాలి. అప్పుడు మీడియా పైలు ఆటోమేటిక్‌గా గ్యాలరీలో సేవ్‌ అవటం ఆగుతుంది. అలాగని డౌన్‌లోడ్‌ అయిన ఫైలేమీ మారదు. మామూలుగానే కనిపిస్తుంది. గ్రూప్‌ ఛాట్‌లోనూ ఇలాంటి మార్పు చేసుకోవచ్చు.