Breaking | Feedback | ePratibha | E-PAPER | Pratibha

WhatsApp: ఫోన్‌ నంబర్‌ సేవ్ చేయకుండానే.. వాట్సాప్ చాట్, వాయిస్‌ కాలింగ్!

వాట్సాప్ యూజర్లకు మరో కొత్త ఫీచర్‌ను పరిచయం చేయనుంది. దీని సాయంతో యూజర్లు నంబర్ సేవ్‌ చేసుకోకుండానే చాట్ చేయొచ్చు.

Published : 02 Apr 2022 02:00 IST

ఇంటర్నెట్‌డెస్క్‌: వాట్సాప్‌ మరో సరికొత్త ఫీచర్‌ను యూజర్లకు పరిచయం చేయనుంది. ఇప్పటికే వాయిస్‌ మెసేజ్‌లో ఆరు కొత్త ఫీచర్లతో పాటు, మల్టీడివైజ్‌ సపోర్ట్‌, ఇమేజ్‌ ఎడిట్‌ వంటి ఫీచర్లను ఈ ఏడాదిలో తీసుకొచ్చింది. త్వరలో చాట్ పేజీలో తీసుకురానున్న కొత్త ఫీచర్‌తో యూజర్స్‌ వాట్సాప్‌లో ఏదైనా ఫోన్ నంబర్‌ షేర్‌ చేసిన తర్వాత, రిసీవర్‌ సదరు ఫోన్‌ నంబర్‌పై క్లిక్ చేస్తే పాప్‌-అప్‌ మెనూ ప్రత్యక్షమవుతుంది. అందులో చాట్‌, డయల్‌, యాడ్‌ కాంటాక్ట్ అనే మూడు ఆప్షన్లు ఉంటాయి. దీంతో యూజర్‌ సదరు ఫోన్‌ నంబర్‌ కాంటాక్ట్‌ లిస్ట్‌లో సేవ్‌ చేయకుండానే చాట్ చేయొచ్చు. అలానే డయల్‌ ఆప్షన్‌ ద్వారా సదరు వ్యక్తికి కాల్ చేసి మాట్లాడొచ్చు. యాడ్‌ టు కాంటాక్ట్స్‌పై క్లిక్ ఫోన్‌ కాంటాక్ట్స్‌ లిస్ట్‌లో నంబర్‌ సేవ్‌ చేసుకోవచ్చు.

ప్రస్తుతం పరీక్షల దశలో ఉన్న ఈ ఫీచర్‌ను త్వరలోనే పూర్తిస్థాయిలో యూజర్లకు అందుబాటులోకి రానుంది. గతంలో వాట్సాప్‌లో చాట్ చేయాలంటే ఫోన్‌ నంబర్‌ తప్పనిసరిగా కాంటాక్ట్స్‌ లిస్ట్‌ చేసుకోవాల్సిందే. అలానే కాంటాక్ట్స్‌ లిస్ట్‌లో నంబర్‌ సేవ్‌ చేసుకునేందుకు ఫోన్‌ నంబర్ కాపీ చేసి డయల్ పాడ్‌లో పేస్ట్ చేసి సేవ్‌ చేయడం మినహా ఇతర ఆప్షన్‌ ఉండేదికాదు. త్వరలో తీసుకురానున్న పాప్‌-అప్‌ మెనూ అప్‌డేట్‌తో ఈ ప్రక్రియ సులభతరం కానుంది. అలానే వాట్సాప్‌ వ్యూవన్స్‌ ఫీచర్‌ను త్వరలోనే విండోస్‌ యూజర్లకు కూడా పరిచయం చేయనుంది. గతేడాది ఆండ్రాయిడ్, ఐఓఎస్‌ యూజర్లకు వ్యూవన్స్‌ ఫీచర్‌ అందుబాటులోకి వచ్చిన విషయం తెలిసిందే.

ఇవేకాకుండా వాట్సాప్ ఆండ్రాయిడ్, ఐఓఎస్‌ యూజర్లకు 37 కొత్త ఎమోజీలను పరిచయం చేయనుంది. ఇందులో మెల్టింగ్‌ ఫేస్‌, ఆఫ్‌ ఫేస్‌ సెల్యూట్, డాటెడ్‌ లైన్‌ ఫేస్‌ ఇలా దాదాపు 37 ఎమోజీలు ఉన్నాయి. ఈ ఎమోజీలకు సంబంధించి యాపిల్‌ ఐఓఎస్‌ 15.4 వెర్షన్‌లో అందుబాటులో ఉన్నాయి.

► Read latest Technology News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.