కొత్తగూడలో ‘ఆకాష్‌ బైజూస్‌’ క్లాస్‌రూం కేంద్రం

రాయదుర్గం, న్యూస్‌టుడే: పోటీ పరీక్షల సేవల(టెస్ట్‌ ప్రిపరేషన్‌) రంగ సంస్థ ‘ఆకాష్‌ బైజూస్‌’ క్లాస్‌రూం కేంద్రం హైదరాబాద్‌లోని కొత్తగూడలో ప్రారంభమైంది. ఆ సంస్థ రీజినల్‌ డైరెక్టర్‌ ధీరజ్‌ కుమార్‌ మిశ్ర గురువారం ఈ కేంద్రాన్ని ప్రారంభించారు. ఈ సందర్భంగా ఆయన మాట్లాడుతూ.. కేంద్రంలో 11తరగతి గదులు ఉంటాయని, వేయి మందికి బోధన చేపడతామని తెలిపారు. వైద్య, ఇంజినీరింగ్‌ ప్రవేశ పరీక్షలకు సిద్ధమయ్యే విద్యార్థులకు శిక్షణ ఇవ్వడంతోపాటు ఫౌండేషన్‌స్థాయి కోర్సులను అందిస్తామని చెప్పారు. కొత్తగా ఏర్పాటు చేసిన ఈ కేంద్రంతో హైదరాబాద్‌తోపాటు రాష్ట్రంలో సేవలను విస్తరించామని తెలిపారు. దేశవ్యాప్తంగా 24 రాష్ట్రాలు, కేంద్రపాలిత ప్రాంతాల్లోని 285 కేంద్రాల్లో 3.33 లక్షల మంది విద్యార్థులకు విద్యనందిస్తున్నామని వివరించారు.