విద్యుత్‌ రాయితీకి రూ.875 కోట్ల విడుదల

ఈనాడు, హైదరాబాద్‌: వ్యవసాయానికి ఉచితంగా, వివిధ వర్గాలకు తక్కువ ఛార్జీలకు సరఫరా చేస్తున్న కరెంటుకు సంబంధించి జులై నెలకు రాయితీ కింద రూ.875 కోట్లను విద్యుత్‌ పంపిణీ సంస్థ(డిస్కం)లకు రాష్ట్ర ఇంధనశాఖ విడుదల చేసింది. ఈ మేరకు శనివారం ఉత్తర్వులు జారీచేసింది. ప్రతి నెలా ఈ నిధులు విడుదల చేయడం ఆనవాయితీ. బయోమాస్‌ ఇంధన అభివృద్ధి పథకం కింద ప్రోత్సాహకంగా రూ.29.54 కోట్లను 5 ఇంధన కంపెనీలకు విడుదల చేస్తూ మరో ఉత్తర్వు జారీచేసింది. ఉమ్మడి రాష్ట్రంలో తీసుకున్న ఇంధన బాండ్లపై వాయిదాల చెల్లింపు  కోసం రూ.598.10 కోట్లను విడుదల చేస్తూ ఇంకో ఉత్తర్వును ఇంధనశాఖ జారీచేసింది.