దేవాదాయ భూములు కాపాడటానికి చర్యలు తీసుకోండి

ఈనాడు, హైదరాబాద్‌: దేవాలయ భూములు అన్యాక్రాంతం కాకుండా తగు చర్యలు తీసుకోవాలని రాష్ట్ర దేవాదాయ శాఖ ముఖ్యకార్యదర్శి శైలజా రామయ్యర్‌ అధికారులను ఆదేశించారు. బుధవారం ఆ శాఖ కమిషనర్‌ కార్యాలయంలో ఉన్నతాధికారులతో ఆమె సమీక్షా సమావేశం నిర్వహించారు. ఎండోమెంట్‌ కమిషనర్‌, సమాచార పౌర సంబంధాల శాఖ స్పెషల్‌ కమిషనర్‌ హనుమంతరావు, అదనపు, సంయుక్త, సహాయ కమిషనర్లు, పలు ప్రధాన దేవాలయాల కార్యనిర్వాహక అధికారులు పాల్గొన్నారు. ఆమె మాట్లాడుతూ..రాష్ట్రవ్యాప్తంగా దేవాదాయ శాఖ ఆధీనంలో ఉన్న దేవాలయాల భూముల వివరాలను సేకరించి, ఆ భూములు అన్యాక్రాంతం కాకుండా అవసరమైన చర్యలు తీసుకోవాలన్నారు.