Hajj Yatra: తీవ్రమైన వేడిని ఎదుర్కొన్న హజ్‌ యాత్రికులు

మీనా: సౌదీ అరేబియాలో హజ్‌ యాత్ర చేస్తున్న లక్షల మంది యాత్రికులు బుధవారం తీవ్రమైన వేడిని ఎదుర్కొన్నారు. ఉదయం నమోదైన 42 డిగ్రీల ఉష్ణోగ్రత వద్దే పెద్ద ఎత్తున సమూహాలు కాలినడకన, బస్సుల ద్వారా మక్కా నగరం ఆవల గల జమారత్‌ కాంప్లెక్స్‌కు చేరుకున్నాయి. తాము ముందురోజు రాత్రే ముజ్‌దాలిఫాగా పేర్కొనే శిబిరం వద్ద సేకరించి పెట్టుకున్న రాళ్లను యాత్రికులు అక్కడి సైతాన్‌ స్తంభాలపైకి విసిరారు.  తీవ్రమైన వేడి వాతావరణం నేపథ్యంలో యాత్రికుల సౌకర్యార్థం, వారికి నీటిని అందించేందుకు సౌదీ అధికార యంత్రాంగం వేలమంది ఆరోగ్య కార్యకర్తలు, వాలంటీర్లను నియమించింది. ఈ క్రమంలో వడదెబ్బకు గురైన 287 మందికి వైద్య సేవలు అందించినట్లు ఆరోగ్యశాఖ వెల్లడించింది.