సిడ్నీ మాల్‌ కత్తి దాడి.. నిందితుడికి మానసిక సమస్యలు

సిడ్నీ: ఆస్ట్రేలియాలోని సిడ్నీ నగరంలో కలకలం సృష్టించిన కత్తి దాడిలో నిందితుడి వివరాలను పోలీసులు కనుగొన్నారు. అతడిని క్వీన్స్‌ల్యాండ్‌కు చెందిన జోయెల్‌ కౌచీ(40)గా గుర్తించారు. గుర్తు తెలియని మానసిక సమస్యల వల్లే నిందితుడు ఈ దాడికి పాల్పడ్డాడని.. ఘటన వెనుక ఎటువంటి ఉగ్రహస్తం లేదని తమ ప్రాథమిక దర్యాప్తులో తెలినట్లు ఆదివారం పోలీసులు ప్రకటించారు. నగరంలోని వెస్ట్‌ఫీల్డ్‌ షాపింగ్‌ మాల్‌లో శనివారం మధ్యాహ్నం 3.10 గంటల సమయంలో ఓ దుండగుడు కత్తితో దాడి చేసి ఆరుగురిని హతమార్చిన విషయం తెలిసిందే. మరో 12మంది క్షతగాత్రులయ్యారు. ఓ మహిళా పోలీస్‌ ఇన్‌స్పెక్టర్‌ జరిపిన కాల్పుల్లో నిందితుడు మృతిచెందాడు.