Road Accident: ఓ వ్యక్తి ప్రాణం కాపాడబోయి.. ఇద్దరు ట్రక్ డ్రైవర్లు మృతి!

ఓ వ్యక్తి ప్రాణం కాపాడేందుకు ప్రయత్నించి.. ఇద్దరు ట్రక్ డ్రైవర్లు తమ ప్రాణాలు పోగొట్టుకున్న విషాద ఘటన తమిళనాడులో చోటుచేసుకుంది. తిరుప్పత్తూరు అంబూర్ సమీపంలో ఉదయరాజపాళ్యం ప్రాంతంలో చెన్నై-బెంగళూరు జాతీయ రహదారిపై ఈ ఉదయం ఓ ఆటో అదుపు తప్పిబోల్తా పడింది. ఆ మార్గంలోనే వెళ్తున్న ఇద్దరు ట్రక్కుడ్రైవర్లు.. ఆటోడ్రైవర్‌ను రక్షించేందుకు వెళ్లారు. అదే సమయంలో వేలూరు నుంచి కృష్ణగిరి వైపు వెళ్తున్న లారీ ఢీకొట్టడంతో ట్రక్ డ్రైవర్లు ఇద్దరు అక్కడికక్కడే మృతి చెందారు.