Balakrishna: బాలయ్య వస్తేనే తాళి కడతాడట..! విశాఖలో ధూంధాంగా ఏర్పాట్లు

వివాహం జరగాలంటే పెళ్లికొడుకు ఉండాలి..! పెళ్లి కూతురు ఉండాలి..! పురోహితుడు కావాలి..! కానీ.. ఓ పెళ్లికొడుకు మాత్రం నందమూరి బాలకృష్ణ ఉండాలంటున్నాడు. ఔను.. బాలయ్య ఉంటేనే పెళ్లి పీటలు ఎక్కుతానంటున్నాడు. రెండేళ్ల క్రితమే నిశ్చితార్థమైనా బాలయ్య రాక కోసమే నిరీక్షిస్తున్నాడు. విశాఖ జిల్లా చింతల అగ్రహారానికి చెందిన వీరాభిమాని పెద్దినాయుడు..! శనివారమే ముహూర్తం..! తన అభిమాన నటుడు వస్తాడని, ఆశీర్వదిస్తాడనే నమ్మకంతో ధూంధాం ఏర్పాట్లు చేశాడు.! ఊరంతా బాలయ్య ఫ్లెక్సీలు, కటౌట్లతో నింపేశాడు.