Extra Ordinary Man: యాంకర్ సుమ ‘స్నాక్స్ వివాదం’పై బ్రహ్మాజీ పంచ్‌లు.. నితిన్‌ నవ్వులు

హైదరాబాద్‌: నితిన్‌ కథానాయకుడిగా వక్కంతం వంశీ దర్శకత్వంలో రూపొందిన యాక్షన్‌ ఎంటర్‌టైనర్‌ ‘ఎక్స్‌ట్రా ఆర్డినరీ మ్యాన్‌’ (Extra Ordinary Man). డిసెంబరు 8న ఈ చిత్రం ప్రేక్షకుల ముందుకు రానుంది. చిత్ర ప్రచారంలో భాగంగా నితిన్‌, బ్రహ్మాజీ, వక్కంతం వంశీ, హైపర్‌ ఆది ‘సుమ అడ్డా ’ షోలో సందడి చేశారు. గతంలో ఓ ప్రెస్‌మీట్‌లో విలేకరులను ఉద్దేశిస్తూ సుమ చేసిన ‘స్నాక్స్‌’ వ్యాఖ్యలను ఈ సందర్భంగా బ్రహ్మాజీ పదే పదే ప్రస్తావిస్తూ, ఆమెను ఆటపట్టించే ప్రయత్నం చేశారు. బ్రహ్మాజీ పంచ్‌లకు నితిన్‌ నవ్వాపుకోలేకపోయారు. శనివారం ప్రసారం కానున్న ఈ ఎపిసోడ్‌కు సంబంధించిన ప్రోమో ఆద్యంతం నవ్వులు పంచుతోంది. ఇంకెందుకు ఆలస్యం మీరూ చూసేయండి. .