ప్రకృతి అందాలను నెలవు.. మలోజా పాస్‌

ఐరోపాలోని ఆల్ప్స్‌ పర్వతశ్రేణుల్లో ఉన్న ‘మలోజా పాస్‌’ ఇది. స్విట్జర్లాండ్‌, ఇటలీ సరిహద్దుల్లోని ఈ ప్రాంతం ఏడాదంతా పచ్చదనంతో కనువిందు చేస్తూ... చలికాలంలో మంచు దుప్పటిని కప్పుకుంటుంది. ఈ దారిలో ఎక్కువగా హెయిర్‌పిన్‌ బెండ్‌లు ఉంటాయి. వాటిని జాగ్రత్తగా దాటుకుంటూ వెళ్తుంటే సరస్సులూ కనిపిస్తాయి. సముద్ర మట్టానికి ఆరువేల అడుగుల ఎత్తుకు వెళ్లాక... స్కీయింగ్‌ క్రీడకు ప్రసిద్ధి చెందిన స్విస్‌ పట్టణాలు వస్తాయి. ఏడాది పొడవునా, రేయింబగళ్లూ ఈ దారిలో పర్యటకులు తిరుగుతూనే ఉంటారు. అందుకే విద్యుద్దీపాల్నీ ఏర్పాటుచేశారు. ఒకే ప్రాంతం... కాలాన్నీ వేళల్నీ బట్టి ఇలా రంగులు మారుతుందన్నమాట. ఈ దారిలో ప్రయాణించేవాళ్లు ప్రకృతి అందాలను ఆస్వాదిస్తూ... గమనమే గమ్యంగా సాగిపోతుంటారు.