త్రిభుజాకారంలో ఉండే సమోసా... పువ్వు రూపంలో కనిపిస్తే, నెలవంకలా ఉండే కజ్జికాయ... సీతాకోక చిలుక ఆకారంలో ఉంటే... చూడ్డానికి సరదాగా అనిపించడమే కాదు, పిల్లలకు ఇష్టంగానూ ఉంటుంది. మీరు కూడా మీ చిన్నారుల కోసం ఇలా కజ్జికాయ, మోదక్‌, సమోసా, కచోరి లాంటి తీపీ, కారం పదార్థాల రూపాల్ని మార్చేసి కమ్మగానూ, కనువిందుగానూ చేయాలనుకుంటున్నారా...  అయితే ఈ ‘కిచెన్‌ డంప్లింగ్‌ మోల్డ్స్‌’ని వాడండి. చదరం, హృదయా కారంతో పాటు రకరకాల ఆకారాల్లో ఉన్నాయివి. వివిధ రంగుల్లో ప్లాస్టిక్‌, స్టీలుతో తయారై వస్తున్న ఈ అచ్చులు మార్కెట్లో దొరుకుతున్నాయి. పిల్లలకు ఏదో ఒకలా కాస్త తినిపించ డానికి రోటిన్‌ వంటకాల్నే, వైవిధ్యంగా చేయడానికి ప్రయత్నించే గృహిణులకు ఇవి మంచి ఛాయిస్‌.