Konaseema: ఏం జరిగిందో ఏమో గానీ..

సోమవారం అలా..

‘నీటిలో ఉండలేక చుట్టపక్కాలింటికి సర్దుకుంటుంటాం. పొద్దున్నుంచి పడవలు లేవు. గ్రామం మునిగిపోతోందని, చచ్చిపోతున్నామని ఫోన్లు, వీడియోలు పంపుతున్నా ఎవరూ వినడం లేదు. పడవలు లేవు, ప్రజలు ఏమైపోవాలి? గవర్నమెంటు గమనించాలి కదా? అవన్నీ లేకుండా దెబ్బలాడుతూ కూర్చుని, మేం అధికారం వెలగబెడుతున్నాం, ఏదో చేస్తున్నామంటే చెల్లదు కదా? ఊళ్లో కష్టసుఖాలు తెలుసుకోవాలి కదా? ఎక్కడెక్కడ జనం ఉండారో, ఎక్కడ నావలు అపాలో తెలుసుకోవాలి కదా?’ అని అప్పనరామునిలంకకు చెందిన పాపాయమ్మ సోమవారం వివరించారు.

మంగళవారం ఇలా..

మంగళవారం అధికారులు పాపాయమ్మ వద్దకు వెళ్లి మాట్లాడాక ఏం జరిగిందో ఏమో గానీ ఓ వీడియో బయటకు వచ్చింది. అందులో ఆమే ‘నేను ప్రభుత్వాన్ని తప్పు పట్టలేదు. ప్రభుత్వం సహకరించలేదని అనలేదు. నేను చెప్పిన మాటలు వేరు. విలేకర్లు చెప్పిన మాటల్ని బట్టి ప్రభుత్వాన్ని తప్పుపట్టొద్దు. ప్రభుత్వం అన్ని సౌకర్యాలు కల్పిస్తోంది’ అని చెప్పటం గమనార్హం.