డిజిటల్‌ రుణాలపై మార్గదర్శకాల జారీ

డిజిటల్‌ రుణాల విషయంలో డిఫాల్ట్‌ లాస్‌ గ్యారెంటీ(డీఎల్‌జీ)పై ఆర్‌బీఐ గురువారం మార్గదర్శకాలను జారీ చేసింది. రుణాల పంపిణీ వ్యవస్థను ఒక క్రమపద్ధతిలో పెట్టేందుకు ఇవి ఉపకరిస్తాయి. బ్యాంకులు, ఎన్‌బీఎఫ్‌సీల వంటి నియంత్రిత సంస్థ(ఆర్‌ఈ)లకు, నిర్దిష్ట షరతులకు లోబడే సంస్థకు మధ్య జరిగే కాంట్రాక్టు ఒప్పందమే డీఎల్‌జీ. దీని వల్ల రుణ పోర్ట్‌ఫోలియోలో నిర్దిష్ట పరిమితి వరకు ఆర్‌ఈలకు హామీ లభిస్తుంది. తాజా మార్గదర్శకాల ప్రకారం.. ఏదైనా ఒక ఆర్‌ఈ కేవలం ఒక లెండింగ్‌ సర్వీస్‌ ప్రొవైడర్‌(ఎల్‌ఎస్‌పీ) లేదా ఇతర ఆర్‌ఈతో డీఎల్‌జీ ఒప్పందాలు కుదుర్చుకోవాల్సి ఉంటుంది.