ఉత్పత్తి సామర్థ్యం పెంపునకు రూ.700 కోట్లు: దివీస్‌

ఈనాడు, హైదరాబాద్‌: దివీస్‌ లేబొరేటరీస్‌ రూ.700 కోట్లతో ఉత్పత్తి సామర్థ్యాన్ని పెంచుకోనుంది. దీర్ఘకాలిక మందుల సరఫరా నిమ్తితం ఒక ఔషధ కంపెనీతో కాంట్రాక్టు కుదుర్చుకోనున్నట్లు, దీనికి అవసరమైన అదనపు ఉత్పత్తి సామర్ధ్యం కోసం రూ.700 కోట్ల వరకు పెట్టుబడి పెట్టాల్సి వస్తుందని దివీస్‌ లేబొరేటరీస్‌ గురువారం వెల్లడించింది. పూర్తిగా సొంత నిధులను దీని కోసం కేటాయించనున్నట్లు వివరించింది. ఈ కొత్త సదుపాయం 2027 జనవరికి అందుబాటులోకి వస్తుంది. రెండు సంస్థల మధ్య వ్యాపార ఒప్పందానికి అనుగుణంగా, ఆ ఔషధ కంపెనీ పేరు, ఇతర వివరాలు వెల్లడించలేకపోతున్నట్లు దివీస్‌ ల్యాబ్స్‌ పేర్కొంది.