డెలివరీ బాయ్‌గా జొమాటో సీఈఓ.. ఫ్రెండ్‌షిప్‌డే స్పెషల్‌...

ఇంటర్నెట్‌డెస్క్‌: జొమాటో సీఈఓ (Zomato) దీపిందర్‌ గోయల్ (Deepinder Goyal) ఫ్రెండ్‌షిప్ డే (Friendship Day)ని వినూత్నంగా చేసుకొన్నారు. ఎంచక్కా సాధారణ డెలివరీ బాయ్‌ వలే రెడ్‌ టీ షర్ట్‌ ధరించి.. బైక్‌పై ఫుడ్‌ డెలివరీలు చేశారు. దీనికి సంబంధించిన ఫొటోలను ఆయన తన ట్విటర్‌ ఖాతాలో పంచుకున్నారు. ప్రస్తుతం ఈ ఫొటోలు సామాజిక మాధ్యమాల్లో చక్కర్లు కొడుతున్నాయి.

జొమాటో సీఈఓ రాయల్‌ ఎన్ఫీల్డ్‌ బైక్‌పై టీ షర్టు ధరించి కస్టమర్లకు ఆహారం అందిచటానికి బయల్దేరారు. అతని చేతిలో ఫ్రెండ్‌షిప్‌ బ్యాండ్లు కూడా ఉన్నాయి. డెలివరీ పార్ట్‌నర్లు, కస్టమర్లు, రెస్టారెంట్‌ పార్ట్‌నర్లకు కూడా ఈ బ్యాండ్లు అందించనున్నారు. కంపెనీతో అనుబంధం ఉన్న వ్యక్తులతో కలిసి ఈ రోజు ఆయన ‘స్నేహితుల దినోత్సవాన్ని’ చేసుకోనున్నారు.

అమెరికాలో మాంద్యం లేనట్లే.. ఈ ఏడాదిలో అవకాశాల్లేవ్‌

‘రెస్టారెంట్లు, వినియోగదారులకు ఆహారంతో పాటూ ఫ్రెండ్‌షిప్ బ్యాండ్‌లను అందించబోతున్నాం. ఇది నాకు ప్రత్యేకమైన ఆదివారం’ అంటూ ఆయన ట్వీట్ చేశారు. ఈ ఫొటోలు నెటిజన్లను ఆకట్టుకుంటున్నాయి. సీఈఓను పొగొడ్తలతో ముంచెత్తుతున్నారు. ‘ఇది బెస్ట్‌ ఫ్రెండ్‌షిప్‌ డే సంబరాలు’ అంటూ ఒకరు కామెంట్ చేశారు.