Published : 05 Nov 2021 16:14 IST

Petrol Price: పెట్రో ధరలు మళ్లీ పెరుగుతాయా? నిపుణులు ఏమన్నారంటే..

దిల్లీ: పెట్రోల్‌, డీజిల్‌ ధరలు ఆకాశాన్నంటడంతో ఆందోళన చెందిన సామాన్యులకు దీపావళి పర్వదినం సందర్భంగా కేంద్రం తీపి కబురు తెలిపిన విషయం తెలిసిందే. పెట్రోల్‌పై రూ.5, డీజిల్‌పై రూ.10 ఎక్సైజ్‌ సుంకాన్ని తగ్గించి భారాన్ని కాస్త దింపింది. అయితే, ఈ ఉపశమనం తాత్కాలికమేనని ఇంధన రంగ నిపుణులు నరేంద్ర తనేజా అంటున్నారు. రానున్న రోజుల్లో పెట్రోల్‌, డీజిల్‌ ధరలు మరింత పెరుగుతాయని అంచనా వేశారు.

దేశీయ అవసరాల్లో 86 శాతం చమురును దిగుమతి చేసుకుంటున్నట్లు తనేజా గుర్తు చేశారు. ఈ నేపథ్యంలో ఇంధన ధరల నియంత్రణ ప్రభుత్వాల చేతుల్లో ఉండదన్నారు. అంతర్జాతీయ స్థాయిలో డిమాండ్‌-సప్లయ్‌కి అనుగుణంగా ధరలు మారుతుంటాయని తెలిపారు. ధరలు భారీగా పెరగడానికి కరోనా సంక్షోభమే కారణమని వెల్లడించారు. గిరాకీకి అనుగుణంగా సరఫరా లేకపోతే.. అనివార్యంగా ధరలు పెరుగుతాయన్నారు. అలాగే చమురు రంగంపై ప్రభుత్వాలు పెట్టుబడులు పెట్టకపోవడం కూడా ఓ కారణమన్నారు. కేవలం పునరుత్పాదక, హరిత ఇంధనంపైనే ప్రభుత్వాలు దృష్టి పెడుతున్నాయన్నారు. పరిస్థితి ఇలాగే ఉంటే రానున్న కొన్ని నెలల్లో ఇంధన ధరలు మరింత పెరుగుతాయన్నారు. 2023 నాటికి లీటర్‌ ముడి చమురు ధర మరో రూ.100 ఎగబాకే అవకాశం ఉందన్నారు.

అంతర్జాతీయ మార్కెట్లో చమురు ధరలు కనిష్ఠానికి చేరినప్పుడు కేంద్రం ఎక్సైజ్‌ సుంకం పెంచి ఆదాయం సమకూర్చుకుందన్నారు. ఇప్పుడు ధరలు మళ్లీ పెరుగుతుండడంతో తగ్గించిందని తెలిపారు. ఇది సహజ ప్రక్రియ అని పేర్కొన్నారు. అలాగే గతకొన్ని నెలల జీఎస్టీ వసూళ్లు.. ఆర్థిక వ్యవస్థ పునరుద్ధరణను సూచిస్తున్నాయన్నారు. దీంతో ప్రభుత్వ ఖజానాపై ఒత్తిడి తగ్గి.. సుంకం తగ్గింపునకు అనుకూల పరిస్థితులు ఏర్పడ్డాయన్నారు. పెట్రోల్‌, డీజిల్‌ను జీఎస్టీ పరిధిలోకి తీసుకొస్తేనే.. సామాన్యులకు నిజమైన ఊరట లభిస్తుందన్నారు.

Read latest Business News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని