పాదచారులను ఢీకొన్న వాహనం..ఇద్దరి మృతి

పాదచారులను కారు ఢీకొనడంతో ఇద్దరు మృతిచెందిన ఘటన పశ్చిమగోదావరి జిల్లా పోలవరం మండలం వెంకటాపురంలో ఈ ఉదయం చోటు చేసుకుంది. మృతులను తూర్పుగోదావరి జిల్లా వంగలపూడికి చెందిన కె.నాగరాజు, డి.కాంతారావుగా

Updated : 03 May 2021 10:17 IST

పోలవరం: పశ్చిమగోదావరి జిల్లా పోలవరం మండలంలోని వెంకటాపురం సమీపంలో సోమవారం తెల్లవారుజామున జరిగిన రోడ్డు ప్రమాదంలో ఇద్దరు వ్యక్తులు మృతి చెందారు. పోలవరం నుంచి తొండపుడి వెళ్తున్న బొలెరో వాహనం రోడ్డు పక్కన వెళ్తున్న పాదచారులను ఢీకొట్టింది. ఈ ఘటనలో తూర్పు గోదావరి జిల్లా సీతానగరం మండలం వంగలపూడి గ్రామానికి చెందిన కొండిపుడి నాగరాజు(35), సారా కాంతారావు(30) అక్కడికక్కడే మృతిచెందారు. వీరిద్దరూ కూలీ పనులు చేయటానికి వెంకటాపురం వస్తుండగా ప్రమాదం జరిగినట్లు స్థానికులు చెప్పారు. సమాచారం అందుకున్న ఎస్‌ఐ ఆర్.శ్రీను సంఘటనా స్థలానికి చేరుకొని పరిశీలించారు. అనంతరం పోస్టుమార్టం నిమిత్తం మృతదేహాలను స్థానిక ప్రభుత్వ ఆస్పత్రికి తరలించారు. ఈ మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. 

Read latest Crime News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts