తనిఖీలు ముమ్మరం చేసిన పోలీసులు

ఎదులాపురం: లోక్‌సభ ఎన్నికల నేపథ్యంలో పోలీసులు తనిఖీలను ముమ్మరం చేశారు. మహారాష్ట్ర నుంచి రైల్లో దేశీదారు సరఫరా కాకుండా ఉండడానికి తలమడుగు మండలం కోసాయి, ఉమడం రైల్వే స్టేషన్లలో శుక్రవారం విస్తృతంగా తనిఖీ చేపట్టారు. అదేవిధంగా జైనథ్ మండలం తరోడ(భీ) వద్ద రహదారిపై వాహనాల తనిఖీలు చేపట్టారు. ఈ సందర్భంగా డి.ఎస్.పి.ఎల్ జీవన్ రెడ్డి మాట్లాడుతూ.. అక్రమ మద్యం జిల్లాలోకి సరఫరా కాకుండా, అక్రమంగా నగదు చేరవేయకుండా పగడ్బందీ ఏర్పాటు చేశామన్నారు. మహారాష్ట్ర సరిహద్దుల్లోని అన్ని రహదారుల్లోనూ ప్రత్యేక పోలీసు బలగాలతో 24 గంటలు తనిఖీలు కొనసాగిస్తున్నట్లు పేర్కొన్నారు.