క్రీడా శిక్షణ శిబిరాల దరఖాస్తుల ఆహ్వానం

ఆదిలాబాద్ క్రీడావిభాగం: జిల్లా యువజన, క్రీడా ప్రాధికారిక సంస్థ ఆధ్వర్యంలో నిర్వహించే వేసవి క్రీడా శిక్షణా శిబిరాల నిర్వాహణ కోసం దరఖాస్తులు ఆహ్వానిస్తున్నట్లు జిల్లా యువజన క్రీడల అధికారి వెంకటేశ్వర్లు తెలిపారు. మే 1 నుంచి మే 31వ తేదీ వరకు శిక్షణ ఉంటుదన్నారు. నిర్వాహకులకు గౌరవ వేతనం, ఉచితంగా క్రీడా సామాగ్రి అందిస్తామని పేర్కొన్నారు. వ్యాయామ ఉపాధ్యాయులు, సీనియర్ క్రీడాకారులు క్రీడాంశం, ప్రదేశం, గ్రామం, ఫోన్ నంబర్‌ వివరాలను ఈనెల 22వ తేదీలోపు 'ఆదిలాబాద్ ఇందిరా ప్రియదర్శిని క్రీడా ప్రాంగణం, జిల్లా క్రీడా ప్రాధికారిక సంస్థ కార్యాలయం' చిరునామాకు పంపించాలని సూచించారు.