గణేష్ మందిరంలో చోరీ

ఎదులాపురం: ఆదిలాబాద్‌ పట్టణంలోని రిమ్స్ ఎదుట ఉన్న గణేష్ మందిరంలో ఇద్దరు వ్యక్తులు సోమవారం రాత్రి హుండీ చోరీ చేశారు. దొంగతనం కేసులో గత నెల 13న జైలుకు వెళ్ళిన మహమ్మద్ మోయిజ్, షేక్ అబ్దుల్ ఫయాజ్ లు సోమవారం జైలు నుంచి బెయిల్ పై విడుదలయ్యారు. అనంతరం రాత్రి మళ్ళీ చోరీకి పాల్పడ్డారు. టూ టౌన్ ఎస్ఐ జీవీ రమణారెడ్డి మంగళవారం వాహనాల తనిఖీలు చేస్తుండగా అనుమానాస్పదంగా వెళుతున్న వారిని అదుపులోకి తీసుకొని విచారించగా గణేష్ మందిరంలో చోరీ చేసినట్లు వారు అంగీకరించారు. దీంతో కేసు నమోదు చేసి రిమాండ్ కు తరలించినట్లు ఎస్సై తెలిపారు.