జాతీయ స్థాయి రగ్బీ పోటీలకు విద్యార్థిని ఎంపిక

ఆదిలాబాద్ క్రీడావిభాగం: జిల్లా కేంద్రం బంగారిగూడలోని తెలంగాణ మైనారిటీ గురుకుల పాఠశాలకు చెందిన విద్యార్థిని జేబా అమ్రిన్ ఎస్.జి.ఎఫ్. అండర్-17 ఏళ్ల విభాగంలో జాతీయ స్థాయి రగ్బీ పోటీలకు ఎంపికయ్యారు. అమ్రిన్‌ మహబూబాబాద్ లోని తొర్రూరులో నిర్వహించిన రాష్ట్ర స్థాయి పోటీల్లో అత్యుత్తమ ప్రతిభ కనబరిచింది. దీంతో ఈనెల 27 నుంచి పూణేలో నిర్వహించే జాతీయస్థాయి రగ్బీ పోటీల్లో  తెలంగాణ జట్టుకు ప్రాతినిధ్యం వహించనుంది. ఈ సందర్భంగా ఆర్.ఎల్.సి. శ్రీధర్, ప్రిన్సిపల్ ఫిహ్మేదా తన్వీర్, పీడీ  గౌరమ్మ, పీఈటీ నుస్రత్ విద్యర్థినిని ప్రత్యేకంగా అభినందించారు.