Rajamahendravaram: అదనపు బస్సులు లేక ప్రయాణికుల అవస్థలు

వీఎల్‌ పురం (రాజమహేంద్రవరం): అదనపు బస్సులు లేకపోవడంతో సంక్రాంతి సెలవుల తర్వాత నగరాలకు బయల్దేరిన ప్రయాణికులు అవస్థలు పడ్డారు. రాజమహేంద్రవరం నుంచి విజయవాడ వైపు వెళ్లేవారు అధికంగా ఉన్నా అదనపు ఏర్పాట్లు చేయలేదు. గంటల తరబడి నిరీక్షించాల్సి రావడంతో ఆర్టీసీ తీరుపై వారు అసహనం వ్యక్తం చేశారు. చిన్నారులతో బస్టాండ్‌కు చేరుకున్నవారు ఇబ్బందులు పడ్డారు. ఉదయం నుంచే విజయవాడ వెళ్లే ప్రయాణికుల రద్దీ ఎక్కువగా ఉన్నప్పటికీ మధ్యాహ్నానికి కేవలం రెండు బస్సులనే ఏర్పాటు చేశారు. మరో నాలుగు సిద్ధం చేయాల్సినప్పటికీ బస్సులు లేవంటూ ఆర్టీసీ అధికారులు చేతులెత్తేశారు.