మోదీ ఆశయాలను జనాల్లోకి తీసుకువెళ్లాలి

సమావేశంలో మాట్లాడుతున్న జాతీయ కార్యదర్శి అనుపమ్‌ హజ్ర

పరిగి, న్యూస్‌టుడే: మోదీ నాయకత్వంలో తెలంగాణలో అధికారం దిశగా భాజపా అడుగులు వేస్తోందని, ఆయన ఆశయాలను నాయకులు జనాల్లోకి తీసుకువెళ్లాలని భాజపా జాతీయ కార్యదర్శి, మాజీ ఎంపీ అనుపమ్‌ హజ్ర సూచించారు. పరిగిలో శుక్రవారం నియోజకవర్గ ముఖ్య కార్యకర్తలతో జరిగిన సమావేశంలో మాట్లాడారు. తెలంగాణలో పార్టీని అధికారంలోకి తీసుకురావాలని కేంద్రం తీవ్రంగా ఆలోచిస్తోందని, అందులో భాగంగానే సంస్థాగతంగా పార్టీని బలోపేతం చేయడానికి ప్రతి నియోజకవర్గానికి ఒక జాతీయ నేతను పంపిందన్నారు. ప్రజా సమస్యలపై ఉద్యమాలతో అధికారంలోకి రావాలని అందుకు కార్యకర్తలు ఇప్పటి నుంచే సమాయత్తం కావాలని సూచించారు. అనంతరం రాష్ట్ర కార్యవర్గ సభ్యుడు కరణం ప్రహ్లాదరావు, జిల్లా అధ్యక్ష, ప్రధాన కార్యదర్శులు సందానందరెడి, వెంకటయ్య మాట్లాడారు.