అక్కడ పారబోత.. ఇక్కడ టమాటా ధరల మోత!

ఈనాడు, హైదరాబాద్‌: టమాటా ధరలు  నెల కిందటి వరకు కిలో రూ.100కు చేరువగా కొనసాగాయి. ఇప్పుడు  రైతుబజారులోనే కిలో రూ.13 కాగా.. కాలనీలకు వచ్చే తోపుడు బళ్ల వారు రూ.50కి 5 కిలోలు, 4 కిలోలు అమ్ముతున్నారు. నగర శివారులోని శంషాబాద్‌ మార్కెట్‌కు వెళ్తే కిలో రూ.6కే దొరుకుతోంది. వాటిని నగరానికి తీసుకురావడమే రైతులు సమస్యగా పరిగణించి.. అక్కడే పారబోసి పోతున్న ఘటనలు అనేకం ఉన్నాయి. ఇక తిరుపతి జిల్లా మదనపల్లిలో.. అనంతపురంలో అయితే మార్కెట్లో ధర పలకలేదని అక్కడే పడేస్తే.. మార్కెటింగ్‌ శాఖ అధికారులు ఒప్పుకోవడం లేదని.. రహదారుల పక్కన రాశులు పోసి వదిలేస్తున్నారు.