ముఖ్యమంత్రి కాన్వాయ్‌ రిహార్సల్స్‌

గోల్కొండ: స్వాతంత్య్ర వజ్రోత్సవాలను పురస్కరించుకొని ముఖ్యమంత్రి కాన్వాయ్‌ రిహార్సల్స్‌ నిర్వహించింది. శనివారం ఉదయం ప్రగతిభవన్‌ నుంచి బయలదేరింది. మెహిదీపట్నం, లంగర్‌హౌస్‌, రామ్‌దేవ్‌గుడా, మకైదర్వాజా మీదుగా గోల్కొండ కోటకు చేరుకుంది. సీఎం కాన్వాయ్‌లో వచ్చిన ఇంటెలిజెన్స్‌ సెక్యూరిటీ వింగ్‌ ఇన్‌ఛార్జి శ్రీనివాస్‌ కోట ప్రధాన ద్వారం వద్ద పోలీసు గౌరవ వందనం స్వీకరించారు. గోల్కొండ కోటలో వజ్రోత్సవాల ఏర్పాట్లను ప్రభుత్వ ప్రధాన కార్యదర్శి సోమేష్‌కుమార్‌, నగర పోలీస్‌ కమిషనర్‌ సీవీ ఆనంద్‌, అదనపు డీజీ జితేందర్‌ తదితర పోలీసు ఉన్నతాధికారులు శనివారం మరోసారి పరిశీలించారు.