లంచం తీసుకుంటూ దొరికిన ఏఈ

వెంగళ్‌రావునగర్‌: విద్యుత్తు శాఖ ఎర్రగడ్డ సెక్షన్‌ ఏఈ రాజు  ఏసీబీ అధికారులకు దొరికాడు. నేతాజీనగర్‌ నగర్‌కు చెందిన వినియోగదారుడు  ఇంటి మీటర్‌ పనిచేయడం లేదని గత నెలలో ఫిర్యాదు చేశారు. పరిశీలించిన ఏఈ ట్యాంపరింగ్‌ జరిగిందని, సమస్య లేకుండా ఉండాలంటే రూ.లక్ష ఇవ్వాలని డిమాండ్‌ చేశారు. శనివారం ఏఈ ఫోన్‌ చేసి డబ్బులు ఇవ్వాలని అడగగా, నా వద్ద రూ.30 వేలు మాత్రమే ఉన్నాయని వినియోదారుడు చెప్పడంతో బాలానగర్‌ వై-జంక్షన్‌ వద్దకు రావాలని ఏఈ సూచించాడు. వినియోగదారుడు ఈ విషయాన్ని ఏసీబీ అధికారులకు సమాచారమిచ్చాడు. రూ.30 వేలు తీసి ఇస్తుండగా ఏసీబీ అధికారులు ఏఈని పట్టుకున్నారు.