భూ కబ్జాదారులపై క్రిమినల్‌ కేసులు పెట్టండి

మేడ్చల్‌ జిల్లా కలెక్టర్‌కు సీఎస్‌ ఆదేశం

ఈనాడు, హైదరాబాద్‌: మేడ్చల్‌ జిల్లా కుత్బుల్లాపూర్‌ మండలంలోని భూ ఆక్రమణలను రాష్ట్ర ప్రభుత్వం తీవ్రంగా పరిగణించింది. బాధ్యులపై కఠిన చర్యలు తీసుకోవాలని ప్రభుత్వ ప్రధాన కార్యదర్శి(సీఎస్‌) సోమేశ్‌కుమార్‌ మేడ్చల్‌ జిల్లా కలెక్టర్‌ హరీష్‌ను ఆదేశించారు. కుత్బుల్లాపూర్‌ మండలంలోని గాజులరామారం, సూరారం తదితర ప్రాంతాల్లో భూ ఆక్రమణలు, దాని వెనుక ప్రజాప్రతినిధులు, స్థానిక నాయకుల హస్తంపై ఈ నెల 2న ‘ఈనాడు’లో ‘ప్లాట్లు చేసి.. రూ.కోట్లు మేసి’ శీర్షికన కథనం ప్రచురితమైంది. స్పందించిన సీఎస్‌.. బాధ్యులపై క్రిమినల్‌ కేసులు నమోదు చేయాలని ఆదేశించారు. ఆక్రమణలను తొలగించి హద్దులు నిర్ణయించాలని సూచించారు. ప్రభుత్వ భూముల్లో వెలసిన ఆక్రమణలపై చర్యలకు జిల్లా రెవెన్యూ అధికారులు సిద్ధమవుతున్నారు.