గోల్డేజ్‌ హోమ్‌లో వృద్ధుడి ఆత్మహత్య

సైదాబాద్‌, న్యూస్‌టుడే: ఐఎస్‌సదన్‌ డివిజన్‌ శంకేశ్వర్‌బజార్‌లోని గోల్డేజ్‌ హోమ్‌ (వృద్ధాశ్రమం)లో ఓ వృద్ధుడు ఆత్మహత్య చేసుకున్నాడు. సైదాబాద్‌ పోలీసుల కథనం ప్రకారం.. అక్బర్‌ అలీ(68) భార్యతో కలిసి సేవలు పొందుతున్నారు. వీరికి ఇద్దరు కుమారులు. పెద్దబ్బాయి ఆస్ట్రేలియాలో ఉండగా గతంలో చిన్నబ్బాయి మితిమీరిన అప్పులు చేసి అదృశ్యమయ్యాడు. దీంతో పెద్దబ్బాయి వీరిని గోల్డేజ్‌ హోమ్‌లో చేర్పించాడు. మంగళవారం అక్బర్‌ అలీ బాత్రూమ్‌ కడిగే ద్రావణాన్ని తాగాడు. గమనించిన సిబ్బంది కర్మన్‌ఘాట్‌లోని అవేర్‌ గ్లోబల్‌ ఆసుపత్రికి తరలించగా చికిత్స పొందుతూ బాధితుడు బుధవారం మృతిచెందాడు.