రోడ్డు ప్రమాదంలో రైతు దుర్మరణం

మిడ్జిల్‌, న్యూస్‌టుడే : కల్వకుర్తి- జడ్చర్ల ప్రధాన రోడ్డుపై జరిగిన ప్రమాదంలో రైతు దుర్మరణం పాలైన సంఘటన మండల కేంద్రంలో జరిగింది. ఎస్సై జయప్రసాద్‌ తెలిపిన వివరాలు.. మిడ్జిల్‌కు చెందిన రైతు సత్యనారాయణ(56) శనివారం సాయంత్రం పొలం నుంచి సైకిల్‌పై తిరిగి ఇంటికి వస్తుండగా మండల కేంద్రం శివారులో కల్వకుర్తి వైపు నుంచి వేగంగా వస్తున్న కారు ఢీకొంది. గమనించిన స్థానికులు 108లో జిల్లా ఆసుపత్రికి తరలిస్తుండగా మార్గమధ్యలో మృతి చెందాడన్నారు. సత్యనారాయణ భార్య మూడేళ్ల కిందట ఇంటి ఆవరణలో కొళాయి మోటారు పెడుతూ విద్యుదాఘాతానికి గురై మృతిచెందారు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు జరుపుతున్నామని ఎస్సై తెలిపారు.