హుజూర్‌నగర్‌ నుంచి సరోజినీనాయుడి కుమారుడు విజయం

న్యూస్‌టుడే, మిర్యాలగూడ పట్టణం: దేశంలో 1952 నాటికి కమ్యూనిస్టు పార్టీపై నిషేధం ఉండటంతో.. రాష్ట్రంలో జరిగిన తొలి ఎన్నికల్లో ప్రముఖ స్వాతంత్య్ర సమరయోధురాలు సరోజినీ నాయుడి కుమారుడు, అంతర్జాతీయ మానవ హక్కుల నాయకుడు డాక్టర్‌ ముత్యాల జయసూర్య నాయుడు నాయకత్వంలో పీపుల్స్‌ డెమోక్రటిక్‌ ఫ్రంట్‌(పీడీఎఫ్‌) రాజకీయ పార్టీని స్థాపించి 48 శాసనసభ, ఏడు లోక్‌సభ స్థానాల్లో విజయం సాధించారు. జయసూర్య మెదక్‌ పార్లమెంటు నియోజకవర్గం నుంచి లోక్‌సభకు, హుజూర్‌నగర్‌ నియోజకవర్గం నుంచి శాసనసభకు పోటీ చేసి రెండింట్లోనూ విజయం సాధించారు. అనంతరం హుజూర్‌నగర్‌ శాసనసభా స్థానానికి రాజీనామా చేసి మెదక్‌ ఎంపీగా లోక్‌సభలో అడుగుపెట్టారు.