కాంగ్రెస్‌ సభ్యత్వ నమోదు వేగవంతం

కాంగ్రెస్‌ నాయకులను సన్మానిస్తున్న మానాల మోహన్‌రెడ్డి

కమ్మర్‌పల్లి, న్యూస్‌టుడే: జిల్లాలో కాంగ్రెస్‌ సభ్యత్వ నమోదు ప్రక్రియ వేగవంతంగా కొనసాగుతోందని డీసీసీ అధ్యక్షుడు మానాల మోహన్‌రెడ్డి పేర్కొన్నారు. కమ్మర్‌పల్లిలో వంద మందితో సభ్యత్వం చేయించిన సల్లూరి కిషన్‌, సుంకెట శ్రీనివాసును ఆదివారం సన్మానించారు. అనంతరం విలేకరులతో మాట్లాడారు. ఒక బూత్‌లో వంద మందితో సభ్యత్వం చేయించాలని, వారికి టీపీసీసీ అధ్యక్షుడు రేవంత్‌రెడ్డితో సన్మానం చేయిస్తానని పేర్కొన్నారు. పార్టీ అభిమానులను కాంగ్రెస్‌ కుటుంబంలో చేర్చేందుకు కార్యకర్తలు కృషి చేయాలని సూచించారు. జిల్లాలోనే అత్యధికంగా మానాలలో జక్కుల వంశీ 715 మందితో సభ్యత్వం చేయించారని ప్రశంసించారు. కార్యక్రమంలో సుంకెట రవి, బుచ్చిమల్లయ్య, రాజేంద్రప్రసాద్‌, కిషన్‌ పాల్గొన్నారు.