గ్యాస్‌ ఇబ్బందుల్లేకుండా గోదాముల ఏర్పాటు

గోదామును ప్రారంభిస్తున్న ఎమ్మెల్యే భాగ్యలక్ష్మి, జీసీసీ, ట్రైకార్‌ ఛైర్‌పర్సన్లు శోభా స్వాతిరాణి, బుల్లిబాబు తదితరులు

జి.మాడుగుల, న్యూస్‌టుడే: గిరిజనులకు గ్యాస్‌ ఇబ్బందుల్లేకుండా గోదాములు ప్రారంభిస్తున్నట్లు ఎమ్మెల్యే భాగ్యలక్ష్మి, జీసీసీ చైర్‌పర్సన్‌ శోభా స్వాతిరాణి తెలిపారు. జి.మాడుగుల మండల కేంద్రంలోని కొత్తూరులో గిరిజన సహకార సంస్థ ఆధ్వర్యంలో గ్యాస్‌ గోదామును శనివారం వారు ప్రారంభించారు. ఆదివారం నుంచి వినియోగదారులకు గ్యాస్‌ సరఫరా చేస్తామని చెప్పారు. జీసీసీ ఉత్పత్తులనే కొనుగోలు చేసేలా ప్రజల్లో అవగాహన తీసుకురావాలన్నారు. ట్రైకార్‌ ఛైర్మన్‌ బుల్లిబాబు, ఏపీ మెడికల్‌ కౌన్సిల్‌ సభ్యుడు నర్సింగరావు, ఎంపీపీ పద్మ, పాడేరు మార్కెట్‌ కమిటీ ఛైర్‌పర్సన్‌ గాయత్రి, పాడేరు జీసీసీ డీఎం పార్వతమ్మ, బ్రాంచి మేనేజర్‌ కృపానందం, సర్పంచి రాంబాబు, ఉప ఎంపీపీ సత్యనారాయణ, ఎంపీడీవో వెంకన్నబాబు, అధికారులు, వైకాపా నాయకులు పాల్గొన్నారు.