గ్రామీణులకు సేవ చేయడమే లక్ష్యం

కుట్టుమిషన్‌ అందిస్తున్న సీఆర్పీఎఫ్‌ అసిస్టెంట్‌ కమాండెంట్‌ చంద్రమౌర్య, ఎస్సై సురేశ్‌, ప్రజాప్రతినిధులు

వెంకటాపురం, న్యూస్‌టుడే: గ్రామీణ ప్రాంత ప్రజలకు సేవ చేయడమే సీఆర్పీఎఫ్‌ లక్ష్యమని ఏ/58 బెటాలియన్‌ అసిస్టెంట్‌ కమాండెంట్‌ చంద్రమౌర్య అన్నారు. మండలంలోని ఆలుబాక సీఆర్పీఎఫ్‌ క్యాంపు వద్ద వెంకటాపురం పోలీసులు, సీఆర్పీఎఫ్‌ ఆధ్వర్యంలో బుధవారం సివిక్‌ యాక్షన్‌ కార్యక్రమాన్ని నిర్వహించారు. పలు గ్రామాలకు చెందిన నిరుపేద మహిళలకు చేయూత అందించేందుకు గాను కుట్టుమిషన్లు, వైకల్యంతో బాధపడుతున్న వారికి ట్రైసైకిళ్లు, పలువురికి సైకిళ్లను పంపిణీ చేశారు. వీటిని సద్వినియోగం చేసుకుని ఆర్థికంగా ఎదగాలన్నారు. సీఆర్పీఎఫ్‌ ఇన్‌స్పెక్టర్‌ టీఎస్‌ ఓబయ్య, ఇన్‌ఛార్జి ఎస్సై సురేశ్‌, సర్పంచులు పూజారి ఆదిలక్ష్మీ, కుంజ గంగ, కారం కన్నయ్య, సారయ్య పాల్గొన్నారు.