కడప మీదుగా ప్రత్యేక రైలు

కడప ఏడురోడ్లు, న్యూస్‌టుడే : కడప మీదుగా కాచిగూడ - కొచివేలి(త్రివేండ్రం)- కాచిగూడ ప్రత్యేక రైలు (07229 / 07230) నడపనున్నట్లు కడప రైల్వే సీనియర్‌ కమర్షియల్‌ ఇన్‌స్పెక్టరు ఎ.జనార్దన్‌ తెలిపారు. కాచిగూడ నుంచి ఈ నెల 18, 25 తేదీల్లో (గురువారం) ఉదయం 6.05 గంటలకు బయలుదేరి మహబూబ్‌నగర్‌, గద్వాల్‌, కర్నూలు, డోన్‌, గుత్తి మీదుగా ఎర్రగుంట్లకు మధ్యాహ్నం 1.50కు, కడపకు 2.25కు చేరుకుంటుంది. అనంతరం రేణిగుంట, కాట్పాడి, సేలం, ఈ-రోడ్‌, కోయంబత్తూరు, ఎర్నాకులం టౌన్‌, కొట్టాయం, చెంగనూరు, కొల్లాం మీదుగా కొచివేలికి శుక్రవారం ఉదయం 10.05 వెళుతుంది. తిరుగు ప్రయాణంలో కొచివేలిలో ఈ నెల 19, 26 తేదీల్లో(శుక్రవారం) మధ్యాహ్నం 12.50 గంటలకు బయలుదేరి శనివారం ఉదయం 6.25 గంటలకు కడప, ఎర్రగుంట్లకు 7 గంటలకు, సాయంత్రం 5 గంటలకు కాచిగూడకు చేరుకుంటుంది.