గూడూరు: ఆడపిల్లలను చదివించి నైపుణ్యం పెంచితే ప్రపంచాన్ని శాసించేస్థాయికి ఎదుగుతారని తెదేపా అధినేత చంద్రబాబు అన్నారు. సంపద సృష్టించడం తెలిసిన పార్టీ తెదేపా అని పేర్కొన్నారు. గూడూరులో మహిళలతో చంద్రబాబు ముఖాముఖి నిర్వహించారు.

‘‘ప్రపంచంలో తెలుగు జాతి నంబర్‌ వన్‌గా ఉండాలన్నదే నా కోరిక. అందరినీ మోసం చేసి ఒక్కడే ఉండాలనుకునే వ్యక్తి జగన్‌. రాష్ట్రంలో జగన్‌ పాలనలో ఎక్కడ చూసినా.. కుంభకోణాలే. సృష్టించిన సంపదను పేదవారికి ఇవ్వకుండా దోచుకుంటున్నారు. రాష్ట్రంలో పేదరికాన్ని సున్నా చేయడమే నా జీవిత ఆశయం. మహిళల్లో చాలా చైతన్యం ఉంది. మహిళా సంఘాలకు సున్నా వడ్డీ రుణాలు ఇచ్చాం. వారికి విద్యా సంస్థలు, ఉద్యోగాల్లో 33 శాతం రిజర్వేషన్లు కల్పించాం. గతంలో దీపం కింద వంట గ్యాస్‌ ఇస్తే దాన్ని ఆర్పేశారు’’ అని చంద్రబాబు అన్నారు.