ఈనాడు డిజిటల్‌, అమరావతి: లేని గాయానికి జగన్‌ వేసిన కట్టు సైజు రోజురోజుకీ పెరుగుతోందని తెదేపా ప్రధాన కార్యదర్శి నారా లోకేశ్‌ ఎద్దేవా చేశారు. ఆయన ‘కట్టు’ కథలు మే 13న కంచికి చేరుతాయని ఎక్స్‌లో సోమవారం పోస్ట్‌ చేశారు. ‘ఆ రాయి కోడికత్తి చరిత్రని తిరగరాసింది. చీకట్లో గురి తప్పకుండా ప్యాలెస్‌ రాయి రెండు పిట్టల్ని కొట్టేసింది. ‘కట్టు’ కథ కంటి..న్యూస్‌’ అని లోకేశ్‌ పోస్టు చేశారు.

తెదేపా కార్యాలయానికి నిప్పుపెట్టింది వైకాపా వాళ్లే

పల్నాడు జిల్లా నాగిరెడ్డిపాలెంలో తెదేపా కార్యాలయానికి నిప్పు పెట్టింది, పెదకూరపాడు మండలం తాళ్లూరులో పార్టీ ప్రచార రథం కళాకారులపై దాడి చేసిందీ వైకాపా వాళ్లేనని లోకేశ్‌ ఆరోపించారు. ఎన్నికల్లో ఓడిపోతామనే భయంతోనే దారుణాలకు ఒడిగడుతున్నారని ‘ఎక్స్‌’ వేదికగా ఆగ్రహం వ్యక్తం చేశారు.