బాపట్ల, న్యూస్‌టుడే: ఎక్కడో తుళ్లూరు మండలం ఉద్దండరాయునిపాలెంలో సామాన్య జీవితం గడుపుతున్న నందిగం సురేష్‌ గత ఎన్నికల్లో బాపట్ల లోక్‌సభ స్థానానికి వైకాపా తరఫున పోటీచేసి విజయం సాధించి రూ.వందల కోట్లు ఎలా సంపాదించారని చీరాలకు చెందిన మాజీ వాలంటీర్‌ కట్టా ఆనంద్‌బాబు ప్రశ్నించారు. బాపట్లలో కలెక్టరేటర్‌ వద్ద ఆయన మంగళవారం మాట్లాడుతూ బాపట్ల ఎంపీగా గెలిచిన నందిగం సురేష్‌ గత అయిదేళ్లలో ప్రజలకు కనిపించకుండా, వారి సమస్యలు పట్టించుకోకుండా అక్రమార్జనే ధ్యేయంగా పనిచేశారని ఆరోపించారు. అద్దంకికి చెందిన ఓ బాలింత సీఎం సహాయనిధి కోసం ఉద్దండరాయునిపాలెం వెళ్లి ఎంపీ ఇంటి చుట్టూ తిరిగినా పట్టించుకోకుండా నిర్లక్ష్యంగా వ్యవహరించారని ఆగ్రహం వ్యక్తం చేశారు. ఎంపీ నందిగం సురేష్‌ అక్రమాలకు వ్యతిరేకంగా వాలంటీర్‌ పదవికి రాజీనామా చేసి, బాపట్ల లోక్‌సభ వైకాపా రెబల్‌ అభ్యర్థిగా పోటీకి దిగినట్లు తెలిపారు. అనంతరం ఆర్వోకు నామినేషన్‌ పత్రాన్ని అందజేశారు