న్యూస్‌టుడే, విజయనగరం గ్రామీణం: అశోక్‌ గజపతిరాజు.. పూసపాటి రాజవంశీయుల వారసుడు. ఉమ్మడి రాష్ట్రంలో సుదీర్ఘ కాలం వివిధ శాఖలకు మంత్రిగా, కేంద్ర మంత్రిగా పనిచేశారు. నిరాడంబర జీవితాన్నే గడుపుతుంటారు. మధ్య తరగతి వ్యక్తిలా అందరితో కలిసిపోతారు. బుధవారం విజయనగరం జిల్లా కేంద్రంలోని తహసీల్దారు కార్యాలయంలో ఆయన కుమార్తె అదితి గజపతిరాజు నామినేషన్‌ వేశారు. ఈ క్రమంలో అదితి గజపతిరాజు ర్యాలీగా బయలుదేరగా.. అశోక్‌ గజపతిరాజు మాత్రం ముందుగానే కార్యాలయానికి చేరుకున్నారు. ఆమె వచ్చే వరకూ అక్కడున్న రావిచెట్టు కింద కూర్చొని వేచి చూశారు. సామాన్యుడిలా ఆయనొక్కరే అలా కూర్చోవడం ఆశ్చర్యానికి గురిచేసింది.