ఈనాడు డిజిటల్‌, అమరావతి: రాజమహేంద్రవరానికి చెందిన బ్రాహ్మణ కో- ఆపరేటివ్‌ క్రెడిట్‌ సొసైటీ ఛైర్మన్‌ వీఏఆర్‌కే ప్రసాద్‌ (అమ్మా ప్రసాద్‌) తెదేపాలో చేరారు. ఉండవల్లిలోని తన నివాసంలో తెదేపా జాతీయ ప్రధానకార్యదర్శి నారా లోకేశ్‌ బుధవారం ఆయనకు పార్టీ కండువా కప్పి ఆహ్వానించారు. గతంలో ఈయన వైకాపా సామాజిక మాధ్యమ విభాగంలో క్రియాశీలంగా పనిచేశారు. వైకాపా విధానాలు నచ్చకే తెదేపాలో చేరినట్టు అమ్మాప్రసాద్‌ తెలిపారు. ఆయనతో పాటు గుంటూరు పశ్చిమ నియోజకవర్గ వైకాపా బీసీ నేత పల్లపు శివరామకృష్ణ, పాదాల మధు, అబ్దుల్‌ఖాన్‌, కాటమాల అశోక్‌, మహ్మద్‌రఫీ తదితరులు తెదేపాలో చేరారు.