రచ్చబండలో తెదేపా ప్రధాన కార్యదర్శి లోకేశ్‌

మంగళగిరి (పెదవడ్లపూడి), న్యూస్‌టుడే: ఎన్నికలకు ముందే జగన్‌ రాజీనామా లేఖలా వైకాపా ఎన్నికల మ్యానిఫెస్టో ఉందని తెదేపా ప్రధాన కార్యదర్శి, మంగళగిరి నియోజకవర్గ పార్టీ అభ్యర్థి నారా లోకేశ్‌ విమర్శించారు. గుంటూరు జిల్లా మంగళగిరి మండలం పెదవడ్లపూడిలో ఎన్నికల ప్రచారంలో భాగంగా శనివారం నిర్వహించిన రచ్చబండలో ప్రజా సమస్యలను ఆయన తెలుసుకున్నారు. ఈ సందర్భంగా మాట్లాడుతూ పింఛనును అయిదేళ్లలో రూ.500 పెంచుతానని మ్యానిఫెస్టోలో జగన్‌ ప్రకటించడం ఆయన దివాలాకోరుతనానికి నిదర్శనమన్నారు. ప్రజా ప్రభుత్వం అధికారంలోకి వచ్చాక తొలి సంతకం మెగా డీఎస్సీపై ఉంటుందని వెల్లడించారు.