ఆరు నెలల్లో హైస్పీడ్‌ రైలు

రైల్వే మంత్రి అశ్వినీ వైష్ణవ్‌ వెల్లడి

సనంద్‌: వచ్చే ఆరు నెలల్లో దేశంలో తొలి హైస్పీడ్‌ రైలు అందుబాటులోకి వస్తుందని రైల్వే మంత్రి అశ్వినీ వైష్ణవ్‌ పేర్కొన్నారు. గుజరాత్‌లోని అహ్మదాబాద్‌- సనంద్‌ మధ్య ఇది నడుస్తుందని చెప్పారు. సనంద్‌లో జరిగిన సెమీకండక్టర్‌ కంపెనీ మైక్రాన్‌ ప్లాంట్‌ శంకుస్థాపన కార్యక్రమంలో కేంద్ర మంత్రి మాట్లాడుతూ ఈ విషయం వెల్లడించారు. రానున్న సంవత్సరాల్లో సెమీ కండక్టర్ల డిమాండ్‌ ఐదు లక్షల కోట్ల రూపాయలకు పెరుగుతుందన్నారు. ఈ రంగంలో గుజరాత్‌ ముందువరుసలో నిలిచిందన్నారు. సెమీకండక్టర్‌ అసెంబ్లీ, టెస్ట్‌ ప్లాంట్‌ను గుజరాత్‌లో ఏర్పాటు చేస్తామని మైక్రాన్‌ సంస్థ ఈ జూన్‌లో ప్రకటించింది. ఇందుకోసం ఈ అమెరికన్‌ కంపెనీ రూ.22,140 కోట్ల మేర పెట్టుబడులు పెట్టనుంది.