దిల్లీ వర్సిటీ ఎన్నికల్లో ఏబీవీపీ ఘనవిజయం

దిల్లీ: ఆరెస్సెస్‌ అనుబంధ సంస్థ అఖిల భారతీయ విద్యార్థి పరిషత్‌ (ఏబీవీపీ).. దిల్లీ యూనివర్సిటీ విద్యార్థి యూనియన్‌ ఎన్నికల్లో ఘనవిజయం సాధించింది. శనివారం ప్రకటించిన ఎన్నికల ఫలితాల్లో అధ్యక్ష స్థానం సహా మూడు పదవులను కైవసం చేసుకుంది. నేషనల్‌ స్టూడెంట్స్‌ యూనియన్‌ ఆఫ్‌ ఇండియా(ఎన్‌ఎస్‌యూఐ) ఒక్క సీటుకే పరిమితమైంది. ఏబీవీపీకి చెందిన తుషార్‌ దేఢా అధ్యక్ష పదవిని సొంతం చేసుకున్నారు. ఏబీవీపీకే చెందిన అపరాజిత, సచిన్‌ భైంస్లాలు కార్యదర్శి, సంయుక్త కార్యదర్శులుగా విజయం సాధించారు. ఉపాధ్యక్ష పదవి ఎన్‌ఎస్‌యూఐకి చెందిన అభి దహియాకు దక్కింది.